潮營火鍋小炒菜館 (已結業)

烤魚係香港好少地方有得食，有朋友話我聽上水有間幾好味，今次就黎試下，店面不大但座位闊落企理，眼見大部份人都食烤魚，佢另外有酸菜魚同水煮魚揀，我都係叫咗份烤魚 ，因為少地方食到。另可額外加啲配菜，超多選擇。竟然有萵筍，鵝腸，必叫各叫一份烤魚一上枱已經聞到好香，條魚本身炸過再放入烤盤，熟度岩岩好，魚夠大條，配菜豐富，仲有多種香料，花椒八角，蔥蒜，辣椒 🌶️萵筍，極之新鮮又大份 ，咬落爽口之餘吸晒啲湯汁鵝腸滑溜爽口，香辣味適中，好岩香港人口味。