影片
以上资料只供参考，请与餐厅确认详情
食家推介
👉最热大暑日并非浪🉐️虚名，嚟到北区hea游走走，行到边，食到边⋯条街热焫焫，入去过吓冷河先。。。🧊.☝️原本想叫生炸鸡髀🍗，但靓姐话师傅收4⃣️点，下次请早⋯咁就叫炒嘢啦‼️📌星洲炒米 $38 ～ 上枱香气十足，星洲炒米非常足料，叉烧、火腿、紫洋葱、蛋丝、芽菜、甜椒⋯少少🤏辣🌶️，色香味俱全☺️📌咸鱼鸡粒炒饭 $38 ～ 咸鱼香味除除飘出，炒饭一样咁足料，啖啖都🈶️鸡粒，炒🉐️干身唔会成口油，生菜🥬丝增加口感～～👏📌黄金虾 $88 ～ 见到隔离枱碟《黄金虾🦐》好吸引，照跟⋯⋯中虾大只肉厚，外壳炸到脆卜卜，重手咸蛋黄厚厚包🈵️成只虾，连虾头虾壳都食埋！！😳💢英姐、丽姐等所有靓姐都超级大好人，一路食紧见佢哋同熟客都打成一片，连我第一次嚟，佢哋都🈚️分彼此，当我熟客咁招待，仲warm过北区高温，十级感动⋯⋯💢☝️食食吓连熟客同我都倾埋一份，差啲搅到我唔舍得走。🥹难怪外卖落单、晚市订座电话☎️接不停。。。✅相信食客除咗食物，外面少🈶️嘅人情味应记一功‼️👏😄
继续阅读
前两日同老婆去上水行街，去到符兴街马会道附近，经过潮营火锅小炒菜馆，见到啲食客食大大碟酸菜鱼，即时口痕，入去试下先。环境方面：地舖嚟讲，入面算几大㖞，地方干净👍服务方面：职员姐姐好健谈，同啲食客吹水，不亦乐乎，街坊生意，够亲切。食物方面：一嚟就送碗火汤先，饮落应该无味精。酸菜鱼(小辣)，唔使二百，但超超大碗，里面有鱼肉、豆卜、芽菜、酸菜、宽粉等等，偏向酸嘅，好开胃，可以加钱加炉打边炉，不过我哋无加😎👍蚝饼，佢用比较大只嘅蚝仔，味道好，唔太油，点少少鱼露，味道啱啱好👍蒜蓉炒菜心，够味嘅。京都猪扒，几多肉，甜酸刚刚好。总结：大大碟，好抵食，加埋汽水，都系442，佢𠮶度仲有鸡煲，下次去试埋先😎
继续阅读
潮营位于上水马会道，如果又想食小炒小菜，又想食鸡煲烤鱼，咁呢到一定岩晒你😆呢到既菜式种类非常多，而且好足料👍🏻每份小菜都会跟一碗汤以及白饭，绝对唔怕唔够饱😋😋首先系蜜焦金薯牛柳粒，镬气好足，牛柳粒软腍，完全唔干柴。而薯仔沾满香蜜味，非常香甜🤤脆脆蚝饼，外层好松脆！而且份量有好多🤤每一件蚝都好大只，新鲜多汁😚重庆万州烤鲈鱼，一上枱已经闻到好香😆我地叫左小小辣，岩岩好唔会太呛喉🥰最惊喜既系，估唔到会有两条鱼😳鱼肉细滑鲜嫩，配料亦好丰富，豆卜入晒味，而底下亦有唔少薯粉，同样吸收晒汤底同鱼香味，好高质🥰🥰
继续阅读
酸菜鱼如果你钟意食酸味比较重依度嘅酸菜鱼就非常啱你佢个汤底好开胃同埋配料十足最紧要系啲鱼好滑作为第一个开胃菜系非常之好椒盐豆腐椒盐味劲香完全做到外脆内软嘅效果令你不停追食牛腩豆卜煲依个酱好正牛腩又入味豆卜又吸晒所有嘅汁配搭啱啱好福建炒饭呢个镬仔炒饭有劲多料，个炒饭底已经劲香加埋劲多料，食完之后真系大满足我见到佢依家呢度装修过地方好干净同埋好多街坊帮衬七点几已经要排队如果大家下次嚟一定要book咗先
继续阅读
今晚出嚟同屋企人食鸡煲，佢哋话朋友食过潮营嘅鸡煲后赞不绝口，所以今晚就一齐嚟试一试。姐姐好亲切，问我哋要唔要汤，我哋就要咗一人一碗，个汤几好饮，系比较浓嘅中汤，唔会淡茂茂。麻辣鸡煲半只食鸡煲一定要惹味，但又食唔到太辣，所以点咗个小辣。鸡煲好啱我口味，甜甜哋，微辣，惹味，就算食得耐都完全唔会觉得太辣太辛苦。生料拼盘呢个拼盘劲抵食，可以拣六款想要嘅材料，一次过满足你嘅胃口。我哋拣咗厨师肠，墨鱼丸，鱼皮饺，芝心丸，午餐肉，蟹柳。每款都会有几件，唔会太少，但又可以样样试吓。美国肥牛本身想食安格斯肥牛，但冇货，所以就食美国肥牛。美国肥牛质素唔错，份量都OK，我觉得性价比都几高。牛柏叶鹅肠牛柏叶同鹅肠都非常衬鸡煲，沾满香浓美味嘅鸡煲酱后，一个字：正！公仔面食鸡煲要食公仔面是常识吧！真系冇得顶冻柠茶觉得呢度嘅冻柠茶几好饮，柠檬比出面更厚切，茶味又够浓。
继续阅读