Yadllie Plate 야들리애플래이트 (海之戀商場)

位於荃灣西嘅呢間韓式餐廳都開業咗一段時間，我今日夜晚就專程同朋友一齊去。餐廳嘅佈置非常之精美，加上位置好寬敞，所以全個用餐過程我都覺得好舒適。蜜味乳酪粉炸雞炸雞外皮非常香脆，雞肉依然保持到肉汁，唔會炸得太過乾。八爪魚煎餅煎餅唔會太過油膩，八爪魚入口爽口彈牙。紫菜手抓飯呢度菜式充滿韓式特色，味道方面比較清淡。芝士蟹籽蛋捲蛋捲入口有香濃嘅蛋香，配埋芝士一齊食，非常好味。士多啤梨雪冰呢個甜品製作得非常出色，價錢亦都非常相宜。整體嚟講，我覺得今餐嘅食物非常之有韓式特色，當中我最欣賞嘅係今餐嘅炸雞。