赤丸製麵所 (已結業)

今日一早起身有特別事要做，所以將早餐、午餐及下午茶合而為一餐，三點幾去到APM搵嘢食，記得以前每次經過《赤丸製麵所》，都見排長龍，但未曾試過，趁今日喺呢啲唔上唔落嘅時間，估計無咁多人去食卦，於是去試試。去到門口都要排三張枱先到我哋，都算係咁啦！炸魚餅，好彈牙，有魚味但唔腥，幾好鰻魚飯，鰻魚麻麻地，略帶腥味照燒雞扒湯烏冬套餐，包括烏冬及天婦羅飯，超正之選連調味料都有咁多款，啱哂我呢啲鍾意食調味料嘅人！