影片
更多
2023-03-03
90 浏览
朋友介紹黎呢間日式居酒屋食野，話氣氛食物質素都一流，一入店就見到滿枱烈焰，果然好特別，好好氣氛🔥🔥🔥。點左dinner set B , 總共竟然有13道菜！真係要留肚黎先食得哂。季節精品先付三品，係日本甘薯，海膽豆腐及蟹羔豆腐，集合海膽同蟹羔鮮味，濃郁滑溜。季節刺身三點，有帆立貝，大拖羅同牡丹蝦，新鮮厚肉，下面仲放左1條活金魚係度暢泳，視覺效果攞滿分。火炙和牛刺身配意大利熱情果黑醋，嫩滑和牛刺身卷入日本芽蔥，加上魚籽醬同意大利熱情果黑醋，多重滋味口感爆發。鮑魚凍餅，冰鎮鮑魚加上高湯啫喱，配上夢美人米嘅飯團同鮑魚干醬，口感鮮嫩彈牙。鵝肝茶碗蒸，將鵝肝打入蛋漿，加上芥末粉同柚子粉，鵝肝味道鮮味濃郁，蒸蛋暖和滑溜，必試之選。炭薰牛舌，和牛牛舌燒好後，係客人面前放上一塊熱炭，用炭火薰香牛舌，牛舌炭味十足，牛脂味香，係食過會覺得難忘嘅菜式。紫蘇二重燒牛肉丸，和牛肉丸燒好後加入紫蘇葉同紫菜包好，牛油油脂配上紫蘇葉香味同紫菜鬆脆感，係無得輸嘅配搭。季節幽庵燒，即西京燒銀鱈魚，及炭燒白鱔，魚肉油脂味香，肉質新鮮。日本蛋黃鹽漬精選和牛柳粒，燒一口和牛，配上玉子鹽 (日本蛋黃醃製而成)，燒蒜頭加上蜜糖同蒜
季節精品先付三品，係日本甘薯，海膽豆腐及蟹羔豆腐，集合海膽同蟹羔鮮味，濃郁滑溜。
季節刺身三點，有帆立貝，大拖羅同牡丹蝦，新鮮厚肉，下面仲放左1條活金魚係度暢泳，視覺效果攞滿分。
火炙和牛刺身配意大利熱情果黑醋，嫩滑和牛刺身卷入日本芽蔥，加上魚籽醬同意大利熱情果黑醋，多重滋味口感爆發。
鮑魚凍餅，冰鎮鮑魚加上高湯啫喱，配上夢美人米嘅飯團同鮑魚干醬，口感鮮嫩彈牙。
鵝肝茶碗蒸，將鵝肝打入蛋漿，加上芥末粉同柚子粉，鵝肝味道鮮味濃郁，蒸蛋暖和滑溜，必試之選。
炭薰牛舌，和牛牛舌燒好後，係客人面前放上一塊熱炭，用炭火薰香牛舌，牛舌炭味十足，牛脂味香，係食過會覺得難忘嘅菜式。
紫蘇二重燒牛肉丸，和牛肉丸燒好後加入紫蘇葉同紫菜包好，牛油油脂配上紫蘇葉香味同紫菜鬆脆感，係無得輸嘅配搭。
季節幽庵燒，即西京燒銀鱈魚，及炭燒白鱔，魚肉油脂味香，肉質新鮮。
日本蛋黃鹽漬精選和牛柳粒，燒一口和牛，配上玉子鹽 (日本蛋黃醃製而成)，燒蒜頭加上蜜糖同蒜片，和牛的嫩滑令人難忘。
海鮮土瓶燒，放入左蝦，鮮魚，香菇嘅燉湯，清潤暖胃。
最後麵食同飯食係梅子冷素麵，係紫蘇冷素麵配梅醬，同月見吉列和牛他他飯堡，加入日本紅蛋黃，吉列炸脆脆，蔥粒，洋蔥絲，選用夢美人精米造飯，混合後蛋香四溢，飯粒鮮明彈牙。
甜品開心果雪糕配日本溫室蜜瓜，開心果雪糕好香，清甜順口，有幸福嘅感覺。另一款係自家制香蕉撻，厚厚香滑忌廉下面係帶焦糖香味嘅香蕉肉，底層牛油麥餅底好脆好香牛油味，係忌廉控必選。
张贴
