Day and Nite by Master Kama (已結業)

餐廳有兩層，裝修以「藍色」為主，簡單裝飾！ 主角：龍蝦包 十分有驚喜，大大個龍蝦包配上粗薯條（薯仔同番薯），分量大，仲要熱辣辣！ 包身香脆，有甜味，內有牛油香，龍蝦肉分量好足，真係啖啖彈牙龍蝦肉！ 配菜粗薯條：外表金黃內裡軟綿，本身就有甜味，直接食用，不需配任何醬料！隔離檸檬牛油汁，似稀身忌廉，無咩味道，喜歡的話可以試試。 龍蝦芝士 Mac N Cheese ： 嘻！又係龍蝦加芝士！味道好香濃，芝士好足！真系大大隻龍蝦系上面，側邊灑滿龍蝦肉粒，正！飯粒烤的好香，吸曬芝士及龍蝦鮮味， 海膽忌廉蟹肉意粉： 多汁，creammy，意粉唔錯，做得乾身，不錯！海膽同蟹肉份量比預期中少，但好鮮甜！ 飲品選擇多，只叫左粉紅色Cotton Candy Soda顏色夢幻，吸晴度高。面層仲有好多色彩鮮豔的棉花糖、七彩朱古力針作點綴。甜度適中，有驚喜的是：再飲深一層，原來係有爆炸糖係入面嫁！