影片
更多
2018-02-08
161 浏览
出左bonus ，好想去興祝一番。靈光一閃，不如食餐勁！於是去左大喜屋，為求食到爆肚為止。日本放題不嬲都係我至愛。因為我最鐘意食魚生同串燒。大喜屋其實都同朋友黎過，不過係其它分店。今次我選左食cwb分店。枱面成本電話薄咁厚嘅點菜紙真係花多眼亂。有時真係唔知點咩先。不過食放題就是任性。先隨便點一叠紙嘅野食。唔夠咪再點😂。不過我個人好反對浪費野食，所以每次點小量，食完先再黎。鍋物，炸物，刺生，手卷，天婦羅樣樣同我黎d 先唔該！開頭點時好似有d 驚雖然量少，但會唔會太多款式，最後點點埋埋食唔晒，好彩呢度佢地每件比較小巧。食左好多款都唔太飽。咁先可以試晒呢度d 野食（其實都係試唔晒，實在太多款）款式太多不能每樣都寫，唯有只講我鐘鐘嘅食物。魚生新鮮到企理，最開心佢有虎蝦同劍魚腩之外，仲有我至愛嘅希靈魚🤘🏾 。壽司我鐘海膽拖羅魚生塔，每樣野比例剛好，夾埋一齊好夾。黑松露油甘魚就失色左少少,黑松露味唔太夠。炸物我鐘意脆炸貓山王，本身我唔係好食榴連，但佢張紙寫到咁吸引又比左錢，咪叫黎試下😂。試左又ok ,佢係有榴連香嘅甜品，甜甜地又ok 。食到飽都仲叫左個雪花牛肉鍋，牛肉好滑，加埋隻蛋比你攪勻佢食。食
枱面成本電話薄咁厚嘅點菜紙真係花多眼亂。有時真係唔知點咩先。不過食放題就是任性。先隨便點一叠紙嘅野食。唔夠咪再點😂。不過我個人好反對浪費野食，所以每次點小量，食完先再黎。
鍋物，炸物，刺生，手卷，天婦羅樣樣同我黎d 先唔該！開頭點時好似有d 驚雖然量少，但會唔會太多款式，最後點點埋埋食唔晒，好彩呢度佢地每件比較小巧。食左好多款都唔太飽。咁先可以試晒呢度d 野食（其實都係試唔晒，實在太多款）
款式太多不能每樣都寫，唯有只講我鐘鐘嘅食物。
魚生新鮮到企理，最開心佢有虎蝦同劍魚腩之外，仲有我至愛嘅希靈魚🤘🏾 。
壽司我鐘海膽拖羅魚生塔，每樣野比例剛好，夾埋一齊好夾。黑松露油甘魚就失色左少少,黑松露味唔太夠。
炸物我鐘意脆炸貓山王，本身我唔係好食榴連，但佢張紙寫到咁吸引又比左錢，咪叫黎試下😂。試左又ok ,佢係有榴連香嘅甜品，甜甜地又ok 。
食到飽都仲叫左個雪花牛肉鍋，牛肉好滑，加埋隻蛋比你攪勻佢食。食完真係封晒頂。見到有milk top 雪榚都冇叫....
差d 唔記得講。羊鞍有驚喜！估唔到出色！好淋好入味，好香嘅支言粉味（文盲sorry🙈)，又唔羶。返叫左幾次。（是晚叫最多）
仲有樣野一定要講，大喜屋嘅service level 幾高！ 以前同一班人去第二度食放題，唔係野食等十世都未黎，就係叫嘅漏晒單。今次食我落完單，去個厠所，未返埋位都上緊野。是晚我座時都滿滿地人。但上菜勁快,收野又快。最利害係叫嘅野一件不漏上晒。仲有部長幾好，隔離枱有一班少女gathering . 都比較嘈，部長主動埋黎問ok 冇？ 駛唔駛換位。 不過成班人食放題係咁，我可以接受（今次我人少，人多其實我嘈過佢地🙈)
张贴
