影片
更多
2021-04-26
52 浏览
係觀塘放lunch break，如果返工返到攰想食好少少，可以有好多選擇。無論係工廈入面既各式小店，定係唔同商業中心入面既連鎖食市，都總有一間符合你既心水。由於work from home既關係，我都少左機會係食lunch。所以今日難得放假，就約左女朋友係觀塘黎個泰式午飯體驗。雖然觀塘有唔少食泰式野既餐廳，但係今次揀食翟道翟既原因，除左因為好耐無食之外，覺得入面既氣氛好有去左泰國既感覺。難得近呢一兩年大家都去唔到旅行，就決定去一次"泰國"食飯！今次叫既係set lunch，因為想同女朋友可以一齊試多d野，所以就分別叫左個青咖哩飯配魚柳同埋辣肉碎煎蛋飯。雖然我個人本身無論咩色既咖哩都中意食，但比較之下我覺得翟道翟既青咖哩比較有風味，同埋辣味適中，唔會話辣到食唔到。而輕輕煎過既魚柳唔會太硬，好易咬開，而且好夾青咖哩。一啖飯，一口魚柳，再配上青咖哩汁，絕對係無敵既配搭。雖然我平時會叫開牛肉或者雞肉，不過今日先發現原來魚柳亦都係一個唔錯既選擇。至於辣肉碎煎蛋飯，亦都係我去食泰國野必叫既野食。雖然配料只有煎蛋同肉碎，但我認為咁樣更加考驗到廚師既功夫。大量既辣肉碎佈滿係碟上，本身已經造成視覺上既衝
雖然觀塘有唔少食泰式野既餐廳，但係今次揀食翟道翟既原因，除左因為好耐無食之外，覺得入面既氣氛好有去左泰國既感覺。難得近呢一兩年大家都去唔到旅行，就決定去一次"泰國"食飯！今次叫既係set lunch，因為想同女朋友可以一齊試多d野，所以就分別叫左個青咖哩飯配魚柳同埋辣肉碎煎蛋飯。雖然我個人本身無論咩色既咖哩都中意食，但比較之下我覺得翟道翟既青咖哩比較有風味，同埋辣味適中，唔會話辣到食唔到。而輕輕煎過既魚柳唔會太硬，好易咬開，而且好夾青咖哩。一啖飯，一口魚柳，再配上青咖哩汁，絕對係無敵既配搭。雖然我平時會叫開牛肉或者雞肉，不過今日先發現原來魚柳亦都係一個唔錯既選擇。
青咖哩飯配魚柳
$68
6 浏览
0 赞好
0 留言
至於辣肉碎煎蛋飯，亦都係我去食泰國野必叫既野食。雖然配料只有煎蛋同肉碎，但我認為咁樣更加考驗到廚師既功夫。大量既辣肉碎佈滿係碟上，本身已經造成視覺上既衝擊，仲有就係香噴噴既辣味更容易刺激食慾。用肉碎黎撈飯食，我應該可以起碼食兩三碗飯。而煎蛋本身帶有少少甘甜，但同時佢亦吸收左肉碎既辣味，所以配搭肉碎一齊食，個口感更加融為一體。雖然泰式炒飯同海鮮炒飯聽落比較更有鍋氣，但我個人更愛 辣肉碎炒飯，無論係肉碎既辣味定係煎蛋既甘甜，都彷彿叫醒你經歷左上晝忙碌工作既身體。
辣肉碎煎蛋飯
$68
3 浏览
0 赞好
0 留言
雖然近兩年去旅行既機會少左，但能夠係沖忙中既午飯時間，係香港既市入面享受到一餐好有泰式風味既午餐，都算係每日既小確幸，為勞累既身體重新注入力量，然後昂首闊步咁返去屬於每個人既戰場，去應付剩餘落黎既工作。
张贴
