燒蝦蝦 (興泰大廈) (已結業)

呢間燒蝦蝦係屯門，算係市中心既位置，唔算難搵，而且地方好大，坐得好舒服。一定要講呢度既主角流水蝦！任食既流水蝦源源不絕咁係水缸入面等大家去夾，每隻水缸入面既大頭蝦都好新鮮，游黎游去，客人自己可以用鉗去夾，隻隻都好大隻呀，鮮甜好食！呢度都有啲串燒係任食既，又係多選擇既，我好中意呢度既串燒係已經串好晒俾我地燒，唔駛煩呀。串燒種類都多，紅腸都好食喎，幾腍身，另外雞軟骨呀，豬肉串呢啲都好食，仲好惹火添，味道好好，正呀！甜品方面呢度啲雪糕雪條都任食，幾款選擇，真係幾好食呀，食完咸野食啲甜品就舒服啦！呢度生啤都任飲，仲有貴價啲既1664添，自斟既生啤，好唔錯呀！