影片
更多
2016-12-07
1275 浏览
聞名不如見面久仰呢間位於尖沙咀the one既日本抹茶專門店大名，成日都想約朋友黎試，今次終於下午黎左同朋友黎個抹茶之約會！以簡約白色做主題既裝潢，簡簡單單郤能夠給予人簡單舒適感，尤其係下午時間黎，西斜日光係玻璃窗透入黎，真係放鬆到一個點，而且下午茶時間人客不多，同朋友聚餐真係一個唔錯選擇本來同朋友講好左要主攻呢到既抹茶甜品，但到餐牌先知呢到咸食同樣選擇多多，而且大部份都以高質選材做招牌，同朋友商量下決定試下佢既咸食先！！$99一個餐，價錢睇落唔係太平，但望真啲包左壽司沙律主菜甜品飲品，好豐富～跟餐的紅茶，唔苦澀飲落舒服，服務員幫我加左幾次水都仲飲到茶味跟餐既壽司，係蟹子捲物，唔係咩特別壽司但兩大件都頂肚架！沙律料樣樣都有啲，蕃茄粟米蘿蔔生菜，連酸酸既沙律醬，胃已開烤雞田園沙律 $88服務員話呢個係新推出，黑洞食多個沙律又點會有問題底墊碟既菜唔係平時既羅馬生菜，但依然清新，量好多，但個人中意羅馬生菜多d配料只有菜同南瓜粒，但烤焗過既南瓜粒郤出奇地鮮甜，無用油烤焗所以較乾身但唔會有乾睜睜既感覺，說明左來源地的確好重要而主角烤雞其實應該係煎？本身雞肉多油脂啲，調味簡單咸咸地，薄切亦方便同朋
以簡約白色做主題既裝潢，簡簡單單郤能夠給予人簡單舒適感，尤其係下午時間黎，西斜日光係玻璃窗透入黎，真係放鬆到一個點，而且下午茶時間人客不多，同朋友聚餐真係一個唔錯選擇
本來同朋友講好左要主攻呢到既抹茶甜品，但到餐牌先知呢到咸食同樣選擇多多，而且大部份都以高質選材做招牌，同朋友商量下決定試下佢既咸食先！！
$99一個餐，價錢睇落唔係太平，但望真啲包左壽司沙律主菜甜品飲品，好豐富～
跟餐的紅茶，唔苦澀飲落舒服，服務員幫我加左幾次水都仲飲到茶味
跟餐既壽司，係蟹子捲物，唔係咩特別壽司但兩大件都頂肚架！沙律料樣樣都有啲，蕃茄粟米蘿蔔生菜，連酸酸既沙律醬，胃已開
烤雞田園沙律 $88服務員話呢個係新推出，黑洞食多個沙律又點會有問題底墊碟既菜唔係平時既羅馬生菜，但依然清新，量好多，但個人中意羅馬生菜多d配料只有菜同南瓜粒，但烤焗過既南瓜粒郤出奇地鮮甜，無用油烤焗所以較乾身但唔會有乾睜睜既感覺，說明左來源地的確好重要而主角烤雞其實應該係煎？本身雞肉多油脂啲，調味簡單咸咸地，薄切亦方便同朋友分享
和風海澡海鮮麵意粉 $99 (set lunch)：平時食意粉一向都中意多汁，因為總係覺得無汁既意粉，例如蒜香意粉呢啲通常都好油膩，用大量油炒又重口味，但今次打破左呢個想法呢到採用既海澡意粉同普通意粉質感上大不同，無澱粉質之感，加入海澡黎製作反而更添彈牙爽口，本身亦幼身而量多，食極都有但最令人驚喜係個醬汁，量少但出奇地惹味，想問服務員偷下師點煮，佢話用祕製日本醬油加鰹魚粉等最主要日式調味，唔係得一味既咸，食食下微辣漸出，無論咸度同辣度都拿捏得好，無試過呢種調味既炒意粉！重點一啲都唔油不過海鮮其實只有2隻蝦同1隻帶子，量少但都大大隻，係尖沙咀呢個價錢連壽司+沙律+茶+蛋糕 真心推介👍🏻
跟餐既小蛋捲，雖然呢到出名抺茶，但揀芝麻黎試因為食過好多都係色素居多。食第一啖芝麻味已經好出，蛋糕本身唔屬於非常軟身細緻果種，唔太突出，但芝麻味的確好濃郁，而且食既時候食到些微芝麻幼粒質感，忌廉既芝麻濃度相對較低，但以滑度取勝，配返啖茶唔錯唔錯，我諗下次黎都會揀呢個多過抹茶
抺茶窩夫$68:明明本來話黎試抹茶野，幾飽都要叫返個抺茶甜品，窩夫控表示好開心一上碟即刻相機食先，兩個女仔爭住同佢影相窩夫一共有3件，睇落幾薄但食落並唔係空心既窩夫，所以食落都好實在，外脆做到了略嫌內裏欠缺一啲煙韌度，但呢個窩夫重點係配料！抹茶雪糕味濃交足貨，最開心係竟然有粟子蓉！！一啖窩夫一啖雪糕一啖粟子蓉，食哂啲窩夫都未食哂配料好難得！
朋友餐叫的草莓蛋捲，相對下較失色，純味既蛋捲較能吸引到我～
张贴
