影片
更多
2017-10-16
11908 浏览
之前幫襯過ssp嘅新容記，唉……以後唔會再去，今次決定去返有容哥坐陣，住於太子道嘅容記試下!上次星期五即興嚟，晚上7點去到已經超多人等位，等咗一陣放棄咗。今次揀咗星期一晚上8點左右到，明顯比上次少好多人，一問即有位!一入去就有容哥個嘜頭，唔知點解佢令我諗起”大家食”果個平頭裝老細!呢間容記分上下兩層，下面係reception比人等位同埋一間VIP房。新呢間容記同舊舖相比，面積大咗，門面亮麗咗，樓底高咗，舖面光猛咗，裝修時尚咗!向街果邊全部用上大玻璃方便採光。呢度整體係茶樓嘅格局，但佢d枱唔會放到密密麻麻，坐得都幾舒服。仲有個大魚缸放晒d生猛海鮮，蝦同蟹就實有啦!另外仲有大大隻鮑魚，又有斑馬瀨尿蝦，仲有好多大大條嘅斑。龍蝦都分澳洲同本地龍蝦，但係餐牌見佢寫加拿大龍頭，可能真係有3種。今晚主要係想嚟飲燉湯同食小炒，點知……一睇menu 已經比佢d海鮮吸引住! 蟹妹當然係比蟹吸引住，魚王推介有埋炒蜆，超吸引!另一樣吸引嘅係巨型瀨尿蝦，78蚊隻如果真係肥大肉厚巨咪果種瀨尿蝦，算好抵食!除咗海鮮，其實呢度仲有柚皮同焗魚腸呢d懷舊菜式。前菜-喬頭而家d茶樓多數俾花生已經好少俾喬頭，仲要有一粒超大粒
一入去就有容哥個嘜頭，唔知點解佢令我諗起”大家食”果個平頭裝老細!
呢間容記分上下兩層，下面係reception比人等位同埋一間VIP房。
新呢間容記同舊舖相比，面積大咗，門面亮麗咗，樓底高咗，舖面光猛咗，裝修時尚咗!
向街果邊全部用上大玻璃方便採光。
呢度整體係茶樓嘅格局，但佢d枱唔會放到密密麻麻，坐得都幾舒服。
仲有個大魚缸放晒d生猛海鮮，蝦同蟹就實有啦!另外仲有大大隻鮑魚，又有斑馬瀨尿蝦，仲有好多大大條嘅斑。龍蝦都分澳洲同本地龍蝦，但係餐牌見佢寫加拿大龍頭，可能真係有3種。
今晚主要係想嚟飲燉湯同食小炒，點知……一睇menu 已經比佢d海鮮吸引住! 蟹妹當然係比蟹吸引住，魚王推介有埋炒蜆，超吸引!
另一樣吸引嘅係巨型瀨尿蝦，78蚊隻如果真係肥大肉厚巨咪果種瀨尿蝦，算好抵食!除咗海鮮，其實呢度仲有柚皮同焗魚腸呢d懷舊菜式。
前菜-喬頭
而家d茶樓多數俾花生已經好少俾喬頭，仲要有一粒超大粒嘅喬頭，勁爽!
34 浏览
0 赞好
0 留言
花膠杞子浸西洋菜
花膠雖然唔係頂級只係薄薄果種，但份量都唔少，趁熱食唔會鯹，放耐咗有少少。西洋菜清甜唔老，上湯有淡淡杞子味，杞子明目算係健康之選。
49 浏览
0 赞好
0 留言
44 浏览
0 赞好
0 留言
原盅燉湯-茶樹菇燉瘦肉
我發覺而家好少有食店有呢種一人份量嘅原盅燉湯，大多數得大盅燉湯可以4-6人嘅份量果種比較多。當我喺openrice見到個menu有就勁想嚟試!
落單時向職員詢問過今日有咩細盅燉湯，佢話五指毛桃燉雞~正!即落……點知後尾個阿叔行過嚟話賣晒，問我哋杏汁燉豬肺啱唔啱?!咁我哋都ok~等咗一陣有個阿姐行埋嚟放低兩隻碗(我已經覺得奇怪!)明明原盅燉湯做乜放低兩隻碗，又過多陣……另一個阿姐竟然捧著一大盅湯行埋嚟放低!我同男友都顎咗然……當佢想幫我哋分湯之際，男友開聲問佢係咪確定冇上錯，事關我哋係叫細盅湯，因為大盅我哋得兩個人飲唔晒!最後果阿叔幫我哋改返細盅湯。因為menu上兩種都叫“原盅燉湯”，加上佢每日都唔同，落單時記得講清楚!
30 浏览
0 赞好
0 留言
35 浏览
0 赞好
0 留言
31 浏览
0 赞好
0 留言
豉椒炒黃沙大蜆
蜆本身唔算好肥但大部份冇沙，亦唔係炒蜆殼，豉椒味過濃有d重手咗，整體ok!
34 浏览
0 赞好
0 留言
薑蔥粉絲肉蟹煲
由於上次去泰國冇食到粉絲蟹煲，加上蟹妹都係敵不過蟹，最後都係決定食蟹!
因為而家係食蟹嘅季節，雖然係肉蟹但都好多羔，但蟹蓋太多粉。整體賣相頗吸引，但薑蔥唔夠香，粉絲唔夠乾身，可以加返多少少鹽。
43 浏览
0 赞好
0 留言
32 浏览
0 赞好
0 留言
40 浏览
0 赞好
0 留言
49 浏览
0 赞好
0 留言
總括嚟講，我會再嚟但下次都係食返小菜。另外值得一讚嘅係，所有湯同餸大約20 mins就上齊，我可以影到好少有嘅“全家福”!
35 浏览
0 赞好
0 留言
张贴
