影片
更多
2021-02-06
28 浏览
我好鍾意食麻醬🤣，我地因為涼皮而幫襯架😍！今日好餓，所以嗌左好多野食，一碗米線、一碗涼皮、兩碟小食、兩杯飲品。店員超NICE！麻辣豬骨濃湯米線+蘿蔔+墨魚頭 $48嗌左BB辣，依到既麻辣有少少似譚仔，湯底甜甜地，下次可以試吓正常辣。要讚一讚呢度啲蘿蔔，感覺上無外加糖水，正☺️。墨魚頭好似幾出名，食落好爽，一啲都唔韌，煮嘅時間啱啱好。估唔到一碗米線可以有成10幾粒，真係好抵💗，下次一定會再嗌！麻辣涼皮（走辣）+唐生菜+滷水雞翼 $48涼皮好滑，直頭好似唔洗吞就滑左落去個胃到😂。滑得黎又唔會好淋，仲有少少咬口。撈涼皮既麻醬唔太鹹，唔會過份濃味👍🏻！伴碟既炸黄豆，好好食🥰，如果佢係一樣餸，我都會加錢嗌黎食！！！店員介紹左我食滷水餸，佢話配涼皮咁食係最好既配搭，滷水雞翼又幾好食喎。入味，Size正常，可嗌🤣！涼拌萵荀 $22雖然叫涼拌萵筍，但其實係麻辣嚟嘅。可能因為浸住啲萵荀，食落去都幾辣。份量好多，全部都係厚切，食落去好爽😍。下次嗌埋少辣就Prefect🤣。蒜泥白肉 $32無涼拌萵筍咁辣，好！味！道！腩肉份量多，少少厚切，夾起佢好完整，唔似譚仔咁散🤣！凍蜜桃烏龍茶 $12估唔到食米線都有特飲，
麻辣豬骨濃湯米線+蘿蔔+墨魚頭 $48
嗌左BB辣，依到既麻辣有少少似譚仔，湯底甜甜地，下次可以試吓正常辣。要讚一讚呢度啲蘿蔔，感覺上無外加糖水，正☺️。墨魚頭好似幾出名，食落好爽，一啲都唔韌，煮嘅時間啱啱好。估唔到一碗米線可以有成10幾粒，真係好抵💗，下次一定會再嗌！
麻辣涼皮（走辣）+唐生菜+滷水雞翼 $48
涼皮好滑，直頭好似唔洗吞就滑左落去個胃到😂。滑得黎又唔會好淋，仲有少少咬口。撈涼皮既麻醬唔太鹹，唔會過份濃味👍🏻！伴碟既炸黄豆，好好食🥰，如果佢係一樣餸，我都會加錢嗌黎食！！！店員介紹左我食滷水餸，佢話配涼皮咁食係最好既配搭，滷水雞翼又幾好食喎。入味，Size正常，可嗌🤣！
涼拌萵荀 $22
雖然叫涼拌萵筍，但其實係麻辣嚟嘅。可能因為浸住啲萵荀，食落去都幾辣。份量好多，全部都係厚切，食落去好爽😍。下次嗌埋少辣就Prefect🤣。
蒜泥白肉 $32
無涼拌萵筍咁辣，好！味！道！腩肉份量多，少少厚切，夾起佢好完整，唔似譚仔咁散🤣！
凍蜜桃烏龍茶 $12
估唔到食米線都有特飲，佢係一樽樽嘅，樽入面有兩個茶包。飲落去甜甜地好清新，好冰飲好解辣。如果可以減糖就好啦😙。加$12絕對係抵嘅，出面一杯台式飲品都成$30 。
熱玟瑰洛神花茶 $12
雖然食辣野應該飲凍飲，不過見到隔離枱個熱飲好吸引🤣。加$12就有一大壺，用左唔同材料去泡，全部味都好出。啲人成日都話洛神花茶係酸酸地，不過依到既落左啲糖，中和左個酸味🥳！
埋單 $174（無加一）
张贴
