北京樓 (新都會廣場)

营业中

休息中

前日，同男友以及2位舊同事去北京樓食晚飯，點左個北京填鴨、小龍包、霸王雞丁，炒年糕同炒麵，個北京填鴨同小龍包都ok好食，系個小龍包皮厚左d，而個霸王雞丁，d粉仲厚過d雞肉，完全食吾到雞味，吾咬開一半睇，真系以為得d炸粉，炒年糕同炒麵2個完全一樣味😂😂最到系食濟，但吾系飽囉，跟住我手多多望下餐牌，見到有我鍾意食既拔絲香蕉想食，但同行人都話走了，唯有等下次再去食。到今晚我同男友特登為了我2天心掛掛既拔絲香蕉，所以再黎食晚餐，甘無理由一嗌就嗌甜品，食完甜品就走，所以都叫左d餸食，原先想叫剁椒蒸魚，但佢無，甘我地叫左京蔥牛肉，另外仲叫小龍包、韭黃炒麵、炸菜肉碎叉子包，我同男友一致認為仲衰過前日食，個京蔥牛肉、炒麵、炸菜肉碎，3個都完全淡味都好似冇落咁鹽咁，我地又吾想浪費食物，唯有問職員拎潮州辣椒油撈黎食，d炒麵仲有有濃哂既鑊籮味！到最後真系頂吾住，就嗌我一心想食既拔絲香蕉，還好沒令我太失望，我都跟男友說，下次唯有找其他有拔絲香蕉的地方食啦，除非真系搵吾到，就黎尼度食個拔絲香蕉就走啦。因為真系食到頂吾順，即場打尼篇食評，d相都系食到一半影。我同男友吾系食餸飽，系一食一啖飲一啖茶，飲到飽哂。