米走雞 (太子藍馬之城)

营业中

休息中

有朋友生日, 成十條友去呢間興祝。打電話時已經同個接線生講左，我地有一個小朋友，可以輕輕減下個總消費額，個時係電話講無問題。一路食，都覺得呢間D野食唔差，待應唔係非常有禮貌，但都做到基本野。間房我估本來係員工房，好多清潔用品係我地隔離， 又有洗手盤之類，我覺得無太大問題，食得開心就得。去到廚房要收前半個鐘，有個著住制服阿叔，講野大大聲(無乜問題)，同我地講消費額未到佢地公司指定額，我地同佢講打電話時已經同意左一個數，佢話公司無D咁   口既  野，又話我地唔係喺度街市講價(大聲又無禮)，又話要搵接線生同我地對質，跟住又話接線生行開左，總言之無人同我地對質，又要我地繼續消費。繼續不停講呢度唔係街市講價......最後我地個壽星仔都開始出聲，真係要多謝阿叔幫我地贈興趣。最後要另一個有禮貎阿叔入黎執手尾，安撫壽星仔。為左呢個街市阿叔，我地會去多D深圳，人地商場大D靚D，有禮貌D，野食平D，選撰多D。段估人地唔會話我地街市講價，講一個你地一開始話無問題 口既 價。