華爾登麵包餅店

营业中

休息中

講到西環麵包舖，不得不提華爾登麵包餅店，係西環第二街，電車話行上一兩條街就到，非常易找，好多細細個食過或者未曾見過既西餅都可以係到搵到🤣一齊尋找兒時味道一入店就見到有好多味道既蛋卷同曲奇，呢到每一塊都係手工餅，產品全人手製造，對食物品質好有要求👍🏻有心型荷蘭撻、黃占餅、菠蘿蛋糕等等，價錢大約$12一件牛脷酥第一次見咁既形狀既牛脷酥，平時都係食開粥店牛脷酥，呢到賣既好似一大舊炸魚咁🤣酥皮上加左好多砂糖，仲有果醬，咬落去口感有點似蝴蝶酥，幾酥脆，不過我覺得有點薄，如果再厚少少，空氣感冇咁重