Sodam Chicken (已結業)

之前有人向我介紹哩間炸雞唔錯，有時間可以去食下，咁岩早排要去中環開工，約左朋友去哩到食飯，店內裝修以黑色為主，燈光比較柔和昏暗營造出寧靜氣氛。炸雞口味大約有12款，款款都好想試，真係花多眼亂，最後揀左雙重芝士炸雞。蜜桃水果茶($38)，飲品先上場，夠冰凍透心涼，味道清淡再配上椰果粒岩岩好。雙重芝士炸雞($175)，主角出場喇，炸雞約有10件，唔油膩，隔油紙上冇油漬，雞全翼和雞腿係最好食，雞肉嫩滑有肉汁，面層d芝士粉鹹鹹甜甜好惹味，這口味不可不食。墨魚仔辣炒年糕($138)，好多年糕，味道係酸酸辣辣，口感煙煙韌韌。魷魚圈拼薯角($65)，薯角內外夠熱，兩樣都好香口，泰式辣醬夠多夠滿。