九運米線王

营业中

休息中

香港人對米線既熱愛真係未來廿年都唔會變，但大型連鎖店啲米線真係越嚟越唔好食，發現左呢間小店，個米線絕對好食！招牌秘製珍寶雞翼米線，配金酸辣湯，上到枱第一件事梗係試吓個湯，個酸辣味好正，不含味精，不含醋精，主打豬肉湯底，好好飲！我老闆一食個雞翼，即刻叫我快啲試下，係勁好食！個炸皮同岀面既好唔同，有一種硬脆，入口之後有種炸完既香，冇油益味，非常好吃。自選九運小鍋米線，麻酸辣湯偏辣，食落好惹味，喜歡食辣既會追住食。配料魚肉春卷，有魚香。腩肉半肥瘦，櫻花蝦餅，好彈牙。飲品就叫左豆漿，可樂。