Sodam Chicken (已結業)

之前lunch食過半自助炸雞放題，炸雞每人揀得一隻味，又只得一份，食完冇得再添。今次見有炸雞焗雞pizza小食放題，炸雞焗雞都仼食！係仼食呀！一次過可以試多種唔同嘅味道，啱食再encore，真係唔錯嘅。Sodam Chicken位於銅鑼灣，交通方便，放工後同老公去撐枱腳。首先試下小食，包括凱撒沙律，柚子醋沙律，牛油粟米韓式酸蘿蔔，牛油炒雜菌，還有我倆喜愛嘅辣拌海蜇，已encore三次,真係好爽又有芝麻香味。接著是食了八款炸雞有酸甜，蜜糖芥末，香蒜辣味，黃金鹹蛋，檸檬柚子，濃蒜還有期間限定大阪燒同埋星洲咖哩味，我較喜愛濃蒜炸雞很香口，星洲咖哩炸雞就最啱重口味嘅老公。而且件件熱辣辣，真係即叫即炸，Yummy!一份薄餅已含千島加勒比海，熱帶風情，明蝦水牛芝士同埋瑪嘉麗塔皇后味，一次可食四種唔同味道，各有特色。焗雞有蜜糖蒜香，韓風紫菜，首爾風味，雙重芝士，BBQ香辣，黃金鹹蛋同埋噴火辣味。我覺得黃金鹹蛋焗雞夠野味，而且肉質嫩滑好juicy。肚飽選了特飲，難得係買一送一，而且大大杯，送上一串軟糖，真係sweet sweet。