影片
更多
2006-08-24
39 浏览
九點黎到，停車場都懶泊，就咁「劈」架車樓下算數，咁夜當然去唔到三聖村買海鮮，好在容龍本身亦有一般大路既海鮮供應，豉椒炒蟶子王（4隻）、再加一隻十零兩既龍蝦仔開邊芝士焗，海鮮費用總共$220，加工錢另加$90（估唔到幫趁返酒樓本身Ｄ海鮮加工錢都要另計），蟶子有沙，而且韌，明顯炒得過火，老左，好在味道都唔錯，焗龍蝦表面加一層脆皮芝士，食法新鮮，可惜較乾身，而且可能隻龍蝦品種鮮味唔夠，淨係得芝士味而冇龍蝦鮮甜，既然食完都未飽，問侍應有冇好介紹，侍應介紹燒乳鴿$75，隻乳鴿中等size 本身唔夠熱，亦冇乜味，似雪藏貨色，七十五蚊食Ｄ咁既野真係呃錢，其他小菜由$70 起，侍應介推介尚且咁既質素，試問仲邊敢去試？加一罐可樂兩位茶芥，咁就五舊水落樓，感覺慘過俾人打劫。鄉下地方，九點都仲有五成人，生意算唔錯，地方寬敞，檯同檯之間有足夠距離，樓底高，空間感足夠，侍應對答得體有禮，服務幾好，我最欣賞係全場得一部電視，淨係放門口等位既地方俾人解下悶，場內一部電視都冇，唔知由幾時開始，間間食店都要四圍放電視機俾人追電視劇，搞到Ｄ人一路傾偈一路「哨」住部電視，食飽飯想同朋友打下牙較都唔得。各位食評家同容龍海鮮酒
鄉下地方，九點都仲有五成人，生意算唔錯，地方寬敞，檯同檯之間有足夠距離，樓底高，空間感足夠，侍應對答得體有禮，服務幾好，我最欣賞係全場得一部電視，淨係放門口等位既地方俾人解下悶，場內一部電視都冇，唔知由幾時開始，間間食店都要四圍放電視機俾人追電視劇，搞到Ｄ人一路傾偈一路「哨」住部電視，食飽飯想同朋友打下牙較都唔得。
各位食評家同容龍海鮮酒家都推介與眾不同既「焗芝士龍蝦」，但以小弟所見，應該叫佢做「炸芝士龍蝦」會較為貼切，當然，並非想同大家咬文嚼字，而係事實上有感而發，首先，因為小弟全程用手食，並非用刀叉，所以成手都係油，第二，經過油炸處理既龍蝦因為本身水份流失，鮮味大打折扣，第三，龍蝦頭水份多所以肉質較嫩，蝦尾就鞋Ｄ仲冇蝦味，或者，構思呢個泡製方法好完美，但可惜面對方便原則底下（簡單講就係懶），唯有退而求其次，用油炸方式取代焗爐焗製，省時方便，結果，當然係將一個保持原汁原味既好方法同一隻龍蝦糟蹋左；或者大家都覺得並非一件乜野大不了既事，但係背後既意義，係代表大家怕麻煩、貪方便，而令到好多中國菜式因此而消失。
张贴