容龍海鮮酒家

营业中

休息中

這家有超過80幾年歷史 兼連續14年米芝蓮嘅餐廳。因為地理關係及本身沒有車，超過十年以上冇去過容龍食飯。 今次喺附近參加婚禮就順便帶家人去食。本以為米芝蓮餐廳大概消費一定好貴，但最後八百幾蚊埋單實在係意料之外。 要註明：服務態度超級好， 值得大事讚揚！我們 沒有去吃海鮮加工，只為了他的小炒而來。 因為這樣子才可以試出他的真實實力！侍應見我們是為小菜而來，就特別介紹他們現在 推廣中的啤酒小食set， 叫一碟小食 就送一支1664 Blanc。 價錢在 88和98之選。 本想試多幾味餸就叫了三碟小吃， 諗住如果太細就之後再加送餸，冇想過佢小碟嘅份量都唔細。 重點係極度好味! 尤其是一口欖角骨簡直係驚喜! 外皮脆內嫩， 汁的味道剛剛好。椒鹽魷魚 香脆爽口。鹵水鴨翼亦非常之嫩滑。今次第一次是1664 blanc有種花香味，味道很淡， 有淡淡的甜味 ，沒有平常啤酒的苦麥味，很適合女士 或不喜歡啤酒麥味的人士 飲用。除了小食, 亦加了海參豆腐和冬瓜盅， 冬瓜盅以為是少少一個冬瓜，但確實份量也不算少， 湯汁清甜。 海參豆腐 嫩滑入味!甜品方面，他有一人份的焗蓮蓉布甸， 這舊式甜品，他做得非常之好，

復活節冇咩地方去，突然諗起好耐冇嚟，所以遠遠都再嚟食☺️！今日晏晝未到1點，平時周末都唔係好需要排隊，竟然今日嚟到嘅時候都要等咗一陣🥹。等位期間四圍望吓，見到容龍今年都繼續榮獲米芝蓮榮譽，真係犀利😃！今次嚟到唔敢叫咁多嘢，只係叫左四寶雞扎、鮑汁炆鳳爪、珍珠糯米雞、蜜汁叉燒腸粉、沙律明蝦角、鮮奶莎翁球😍😍！啲食物沒有一般酒樓上點心咁快，應該係因爲即整，所以啲食物上檯時好熱辣😙。第一個點心就係沙律明蝦球😍，放上枱時已聞到香味，一咬落去好鬼熱🤣🤣，但炸得好脆口，而且蝦肉亦係大大粒，亦都很真材實料正😃！而另外鮑汁鳳爪我覺得味道不錯，雞腳都好腍，但鮑汁略微不太濃。四寶雞扎是我的最愛😻，兩件目測好像夠大件，入面既魚肚幾厚大又幾入味😚，但雞肉就不算大😅。而其餘三樣點心就覺得一般。最後同場加映，椰汁燉蛋白🤣🤣，真係好香椰子香味🥰，燉奶又唔係好甜，兩個人叫一盅食吓都好滿足😋！呢度泊車可以就咁泊係喺樓下，唔使停車費，都方便駕駛人士遠道而來。可能而家生意難做，以前冇嘅優惠，今次酒家派優惠券$50😄！ 另外，我見有啲食客自己帶海鮮嚟加工，原來旗有八折手工費優惠🥹，而家做食肆真係要各出奇謀吸客😅！今日二人食咗四百

😛回頭度：7.8/10😛💰是次人均消費：≈HK$850（包括買海鮮＋加工費）┈┈┈┈┈┈┈┈┈┈┈┈┈┈┈┈┈┈┈連續14年榮獲米芝蓮推介餐廳😯先去三聖邨買海鮮，再上容龍食飯～ 當日都食咗勁多道菜（🌟為個人私心特別推介）： ▪️ 「鹽焗花螺」▪️ 「鹽焗奄仔蟹」🌟 「油泡墨魚」🌟 「薑葱南非鮑魚煲」▪️ 「椒鹽瀨尿蝦」🌟「芝士焗開邊龍蝦」▪️ 「蒜蓉粉絲蒸北寄貝」🌟 老虎斑兩味：「西蘭花炒斑球」、「蒸斑頭腩」🌟 「蜜汁叉燒」▪️ 「中式牛柳」▪️ 「菠蘿咕嚕肉」▪️ 「腿絲浸菜苗」🌟 「椰皇燉鮮奶蛋白」┈┈┈┈┈┈┈┈┈┈┈┈┈┈┈┈┈┈┈‼️個人覺得必試容龍嘅招牌菜 - 「芝士焗開邊龍蝦」🦞‼️芝士落得足，而且個面焗得勁焦脆，龍蝦肉又唔會過熟👍🏻不過每人食半隻係會比較”漏”，但非常滿足！ 另外，個「蜜汁叉燒」都幾出色！切得夠厚，肉質軟嫩！！我哋食完第一碟立馬叫多碟Encore！（可惜第二碟部位上冇咁靚仔，肉質就差啲，如果佢碟碟都保持到水準就Perfect池） 最後食埋個「椰皇燉鮮奶蛋白」，椰香味濃，又夠滑，為成餐飯劃上完美句號。😳

去了容龍酒家幾十年，因為老人家的情意結。坐一個鐘頭車去只是為了吃一餐好味的海鮮餐。至從霍師傅退休後，好像風味不再，因為每次都是好有期待。𠼭酒煮𧐢味道一般 －魚兩味，勝在魚10分新鮮，炒功ok,不錯。粉絲蝴蝶蚌，好鮮味。椒鹽瀨尿蝦有鑊氣。辣酒煮花螺，味道可以。糯米焗蟹，比較濕，好多水。為一沒變是陳皮紅豆沙，好好味。

非常美味 性价比很高 还会来 吃人均 1200左右 每道菜都很棒 芝士龙虾 加拿大象拔蚌两吃 炸生蚝 石斑鱼 烧乳猪螃蟹 甜品 椰子蛋白 红豆羹 大厅很气派 包房适合团建 10-12人特别适合

容龍海鮮酒家位於屯門青山公路，開業巳久，已有80幾年歷史，很多名人都很喜歡去的海鮮酒家，可以自帶海鮮在酒家加功或直接在洒家選購名樣海鮮，最出名最好食的一定係他們做的芝士焗龍蝦😋，在其他地方吃不到的，做法原全不一樣，是非常香焗的亁身龍蝦，沒有芡汁，上面鋪滿香脆的芝士🧀，回味無窮😋😋😋人均消費大概$500，環境舒適，清潔，但星期六，曰最好先訂位😁，他們也有大量車位可供泊車，還是免費的🤩直得試試👍🏻

今晚公司歡送幾位退休同事，就在屯門出名高級食府容龍海鮮酒家食晚飯，容龍真係不愧連續14年米芝蓮推介餐廳，記得早啲去參觀容龍嘅歷史，上埋天台睇大炮吖。容龍出名芝士焗開邊龍蝦，色香味俱全，芝士焗得香口，龍蝦肉新鮮爽口又彈牙。砵酒焗美國生蠔，一打開錫紙，香味四溢，生蠔焗完都好大隻，蠔邊微脆，蠔肉味香濃。豉椒炒大蟶子，大蟶子起肉炒青椒及洋蔥，蟶子肉厚及味道清甜，食得好方便。清蒸東星斑，廚師蒸魚時間啱啱好，唔會過熟，魚肉保持嫩滑，加上香蔥絲及特製蒸魚豉油，唔會過咸，更加突出東星斑嘅鮮味。蒜蓉粉絲蒸巨型帶子，熱辣辣上枱，帶子蒸得嫩滑，粉絲吸收了蒜蓉及帶子嘅精華，大家食到嘴舐舐。仲有容龍秘製焗燒鵝皇及爆炒薑蔥鮑魚煲，都好好味，掛住食，唔記得影相🤭蒜子上湯浸豆苗，可能浸耐咗少少，豆苗冇咁爽口。瑤柱蛋白炒飯，炒得很有鑊氣，清清淡淡都幾好食。

3 號風球下一車六人黃昏前出發去容龍別墅食海鮮！固定程序：先去老鼠洲買奄仔蟹生蠔鮑魚龍蝦花甲海鮮🦞🦐🐟⋯⋯ → 容龍呢度高檔、烹調技巧高，好坐，米芝蓮三星級嘅招呼，性價比高！我哋都話諗唔起香港有邊間食店嘅招呼勝過今晚嘅容龍別墅，上上下下包括執枱嘅姐姐都係好細心好溫暖，招呼好好，猶勝大灣區。 記住係喺九成半入座率嘅時候表現都咁好！👏🏼👏🏼👏🏼我哋六個人都非常滿意，仲要提多一樣嘢就係揸車去食真係好方便，落大雨都唔怕。Cheers 🥂😆！

一行十人去食收12個茶位已經唔係第一次, 落單嘅阿姐好似趕收工咁樣, 係咁催你快d落單, 落單中途就走埋添, 話要攞落單紙, 落到一半原來你一開始只是攞張紙嚟落就算, 服咗你, 浪費時間, 落單嘅時候又發出“咦”"吱"嘅聲, 咁冇耐性就唔好落單啦, 想快啲落好張單, 你係一早攞定張紙啦, 又要冇做準備, 又要人哋落得快, 去緊麥當勞咩, 收錢嘅時候明明嘅錯茶位, 居然反問我12個人咪收12個位"囉". 同你講得梗係唔係12個人啦, 例牌收錯茶位, 永遠收多唔收少, 態度又惡劣, 冇買海鮮上去, 諗住試下佢哋本身啲海鮮, 原來真係唔掂, 例如個四隻蟹鉗仔超細, 收二百幾, 差唔多收300嘅蝦得六隻冰鮮中蝦, 見到都嚇親, 冇乜味又細, 佢仲問我哋需唔需要嗌多份，只係想走，真係唔會有下次。

容龍係三聖邨真係屹立不倒幾十年，對上一次嚟食，都應該十幾年前最近放假，喺屋企悶得耐，想搵個遠少少嘅地方行吓，同屋企人去咗屯門舊蝴蝶灣沙灘散步影吓相，之後就去三聖邨買海鮮買完我哋就拎上容龍到加工叫咗個冬瓜盅上枱嗰下我哋都嚇親，細個個茶壺，份量應該係一人份量，我哋全家5個人都唔知點分，裏面嘅冬瓜子都冇去乾淨，成個冬瓜盅得一個豬肉碎做成嘅球。賣98蚊😅😅😅千祈唔好嗌象拔蚌刺身油鹽水蝴蝶蚌呢個好食，蝴蝶蚌勁甜XO醬炒蟶子王全家都好期待，一上枱未影相就冇晒🤣個味係好好食嘅，不過加工費會貴少少招牌芝士焗龍蝦平時唔係好鍾意食龍蝦嘅我，都食咗半隻。去到必食推介。清蒸老鼠斑蒸得過火就少少嗌咗楊州炒飯估唔到個炒飯都好出色買海鮮買咗$1350，容龍除咗加工費之外打咗個$98嘅冬瓜盅同埋$128嘅楊州炒飯，埋單$1416好食就好好食，不過就貴咗少少啦

昨晚接機後六人到三聖邨買海鮮 後到容龍海鮮酒家買了大蟶子、桶蠔、蜆、魚、龍蝦、奄仔蟹、大扇貝蜆同蟶子鼓椒炒蜆．．豉椒蟶子．．（兩樣都係冇青椒洋蔥都只係用醬炒）味道普通又咸跟出面食差很多（係感覺最差的一次）蠔．．砵酒煱冇乜味道太普通鹽焗奄仔都係普通嘅鹽焗奄仔冇特別上湯龍蝦伊麵，冇乜味蒜蓉扇貝，還可以淡淡地叫咗碟炒通菜又生又鹹食咗兩住都冇食為一好一點的是蒸魚同位後來個位亞姐的招待今次係三聖邨最差的一次海鮮唔食啲嘢餐以後都不會再去容龍海鮮酒家食又貴又差！

今天天氣很好，中午和家中長輩一同到容龍吃海鮮。因為是熟客，所以慣常從三聖海鮮檔購買海鮮再到容龍加工。味道依然是出色的、慣常的好味道，環境依然是舒適寬敞的，服務依然和以前一樣的好。今天吃了上湯開邊龍蝦、炒斑球、炆頭腩、蒜蓉粉絲扇貝、鮑魚等等，都是水準以上的出品。

因為屋企長輩同佢有深厚淵源，父母親節生日或者做節都走唔甩嘅飯堂，我大大話話至少去咗100次，應該係我幫襯得最多嘅餐廳😆講少少背景，其實容龍已經有85年歷史，前身係容龍別墅，有酒店、游泳池、露天茶座，仲有動物園，有馬騮籠，孔雀籠，真係好巴閉，感覺有少少似龍華酒店咁，30幾年前改建咗部分地方做餐廳，而家餐廳停車場都仲有幾架老闆嘅勞斯萊斯泊咗喺度。一坐低嘅餐前小食係蕎頭同花生，講返海鮮，我每次都會去三聖海鮮街揀完海鮮就擰上去食，長輩淨係幫襯關財記一檔😅除左自己擰佢哋仲可以幫你搵架貨車車埋上容龍，自己買海鮮上去會抵過喺容龍直接叫海鮮，基本上我食左十幾年每次來來去去都係食果幾樣餸。。。簡稱容龍十寶🤣美國桶蠔：一定係砵酒焗蠔做法，一打開錫紙係好香，食落個邊位好脆口，表面好乾身得嚟肉哋又creamy，外脆內嫩，有時蠔種問題會比較糊口及淋身😬海龍躉🐟：通常買到大嚿腩位就會兩食，分別係紅燜斑頭腩及海龍𧄌炒球，如果比較細嚿就只會揀前者，其實食龍𧄌最正係層皮，脆粉包住啲魚皮加嫩魚肉，好重魚油香，曾經試過有一次餐廳煮果陣整走晒啲皮，長輩鬧到傻😅蟹🦀：因應唔同季節買唔同嘅蟹，通常都係蒸香蒜奄仔蟹籠仔糯米飯，蒜蓉

［香港］容龍海鮮酒家這是一間位於屯門三聖邨附近已經很多年的老店，專門吃海鮮的。今天慶祝新居入伙，所以預訂了位置在這吃午餐。先去三聖邨買了海鮮，再到容龍海鮮酒家加工，容龍海鮮酒家有一個很大的停車場，不用怕沒有位置停車。🥢 白灼海蝦因為海蝦新鮮，白灼沒什麼技巧也很好吃。🥢 （炒麵底）豉椒炒蟶子皇醬汁很香，把聖子襯托得很好吃，聖子也煮得剛剛好，不會太老。放在最底的炒麵有炸過，沾上豉椒蟶子汁很美味。🥢 乳鴿乳鴿小小的一隻，但是炸得很香脆。🥢 薑蔥炒鮑魚鮑魚不會煮得太老，每一隻都很有口感又不會很難咬開。🥢 香濃芝士牛油焗龍蝦這個龍蝦真是必點的一個菜式，與平時在酒樓吃到的芝士焗龍蝦不一樣，芝士皮焗得很香脆，襯托爽口的龍蝦肉，真是人間美食。🥢 龍躉兩味魚肉很鮮很爽口，烹調方法沒有把魚肉的鮮味蓋過。🥢 蒜蓉蒸肉蟹糯米飯這道菜蒜蓉很多，肉蟹鋪在糯米飯上面蒸，令每一粒糯米飯都吸收了蒜蓉蒸肉蟹的汁。🥢 蒜蓉粉絲蒸北寄貝蒜蓉、粉絲、豉油、北寄貝，4樣東西份量配合得剛剛好，火喉也很適中，新鮮甜美。🥢 椰皇燉鮮奶蛋白美味嘅海鮮餐以養顏的鮮奶燉椰皇作見，每一口都有鮮奶及椰皇的香味，好吃！！這間酒家服務態度很好，食物

今日阿仔生日，佢鍾意食海鮮，所以早幾日已經訂定枱。我哋先去三聖邨買海鮮，再去容龍加工，今日買海鮮時招呼我嘅職員知道我去容龍食，即刻俾啲85折coupon 我，可惜因為時近母親節，coupon 暫停使用（coupon 上有寫的），但經理都好識做，俾咗個95折我哋。齊人就開始上菜，芝士龍蝦照舊保持水準，非常香脆美味。其餘嘅海鮮都煮得恰到好處，最有驚喜係個海鮮湯，老婆話係咁多次嚟最好飲嘅一次。最後梗要食埋紅豆沙，呢度嘅陳皮紅豆沙真係好食過好多甜品舖，陳皮嘅香味融入埋啲紅豆度，真係好正。