美心MX (新文華中心) (已結業)

今天要係尖沙咀飲喜宴，明知有排都未有野落肚，所以臨去之前係尖沙咀食少少野，見到美心仲有下午茶餐揀就入左去。點左個炸脾餐，有一隻大炸脾，仲有一碗碗仔翅同一杯紅豆冰，份量黎講女仔食其實都幾飽下，到最後居然飽到飲唔哂個紅豆冰。炸脾今次炸到少少過火，雖然外表睇唔出有燶，但係一切就已經Feel到好硬，唔似平時咁有少少汁，入口好似食柴皮。碗仔翅就一般般啦，大大pat生粉漿咁，不過都幾多冬菇同雞絲。紅豆冰叫左多豆少冰，啖啖紅豆好爽，估唔到成個餐最正係杯飲品。