影片
更多
2023-01-25
1047 浏览
炮台山台灣菜【遇見花蓮】開左冇耐，夜晚成日都人頭湧湧，今日趁放早去左食Early Dinner。餐牌嘅選擇勁豐富，淨係小食都超過廿款。仲有可以配唔同餸嘅湯麵拌麵、薑蔥同滷肉飯、蛋餅吐司，連台式一人鍋都有，當然唔少得各種台式特飲。慢煮豬軟骨滷肉飯 下午茶餐 ($45)下午茶餐嘅滷肉飯比散叫細碗，不過絕對唔迷你，加埋碗紫菜貢丸湯好飽肚。豬軟骨加左香醋，甜甜酸酸好開胃。台式肉蛋吐司 ($48)吐司好厚，肉餡用左松阪豬肉(部位)，其實即係我地食開嘅豬頸肉。加埋半熟流心蛋、芝士同秘製醬汁，Juicy又惹味。花蓮小食拼盤 ($88)有齊鹽酥雞、甜不辣、櫻花蝦餅、雞卷、滷蛋、香腸、地瓜條、炸花枝丸同麻辣鴨血9款，用九宮格木盤裝住好IG-able。當中炸物仲係熱辣辣好香口。麻辣鴨血同滷蛋都好入味。台式香濃沙茶鍋 ($118) 材料有牛肉片、牛丸、沙白、米血糕、嗚門卷、花枝丸、娃娃菜、韭菜、蕃茄、青豆角、金菇同炸枝竹，沙茶湯底香氣好濃，牛肉片好滑唔會韌，加埋超大兜紅薯粉真係2個人都夠食。黑糖珍珠奶茶 (+$12) 自家薏米水 (下午茶餐+$8)奶茶茶味OK，有黑糖香，薏米水唔會太甜味道唔錯。
炮台山台灣菜【遇見花蓮】開左冇耐，夜晚成日都人頭湧湧，今日趁放早去左食Early Dinner。
餐牌嘅選擇勁豐富，淨係小食都超過廿款。仲有可以配唔同餸嘅湯麵拌麵、薑蔥同滷肉飯、蛋餅吐司，連台式一人鍋都有，當然唔少得各種台式特飲。
慢煮豬軟骨滷肉飯 下午茶餐 ($45)下午茶餐嘅滷肉飯比散叫細碗，不過絕對唔迷你，加埋碗紫菜貢丸湯好飽肚。豬軟骨加左香醋，甜甜酸酸好開胃。
台式肉蛋吐司 ($48)吐司好厚，肉餡用左松阪豬肉(部位)，其實即係我地食開嘅豬頸肉。加埋半熟流心蛋、芝士同秘製醬汁，Juicy又惹味。
花蓮小食拼盤 ($88)有齊鹽酥雞、甜不辣、櫻花蝦餅、雞卷、滷蛋、香腸、地瓜條、炸花枝丸同麻辣鴨血9款，用九宮格木盤裝住好IG-able。當中炸物仲係熱辣辣好香口。麻辣鴨血同滷蛋都好入味。
台式香濃沙茶鍋 ($118) 材料有牛肉片、牛丸、沙白、米血糕、嗚門卷、花枝丸、娃娃菜、韭菜、蕃茄、青豆角、金菇同炸枝竹，沙茶湯底香氣好濃，牛肉片好滑唔會韌，加埋超大兜紅薯粉真係2個人都夠食。
黑糖珍珠奶茶 (+$12) 自家薏米水 (下午茶餐+$8)奶茶茶味OK，有黑糖香，薏米水唔會太甜味道唔錯。
张贴
