影片
更多
2023-01-07
75 浏览
台灣美食多係常識吧！疫情下好耐無去台灣真係好可惜，所以久唔久都會食返台灣菜懷念一番。今次就嚟咗位於北角嘅六合小巷，未入餐廳已經俾佢嘅裝修吸引咗，漫天天燈配合中式木及復古風格非常有特色，令到我毫不猶豫揀咗呢間餐廳。餐廳面積唔大，但各個地方都費盡心思。除咗餐廳中央有個大大嘅台灣地圖，牆上貼滿左唔同著名嘅台灣電影海報 (勾起晒啲回憶🥹)外，仲會播放唔同出名嘅台灣歌曲 (忍唔住一路食飯一路哼歌😝)，喺呢個氣氛下食飯都真係唔錯。而我同友人都叫咗唔少嘢食:台灣梅粉番石榴串 ($32) 🍡: 大愛大推😍 相信香港人會比較少嗌呢度前菜，但係無論賣相定係味道都非常吸引。冰凍嘅口感、爽甜而紅綠相間嘅番石榴串、配上微酸嘅梅粉，實在係一個非常清新嘅配搭。成日睇YouTuber都會介紹台灣人食水果沾點梅粉嘅習慣，今次都令我愛上呢個配搭！蚵仔煎 ($58) 🦪 : 同香港嘅蠔餅有異曲同工之妙，但係食起嚟煙韌香嫩(QQ)，而且亦都冇咁熱氣。進食嘅時候可以淋上台式甜辣醬，就更加提升整體嘅味道層次啦！半筋半肉麵 ($88) 🍜 : 台灣菜叫牛肉麵又係必然之選啦！有兩點幾特別，一係客人可以自選粗幼面同軟硬度(menu無提
今次就嚟咗位於北角嘅六合小巷，未入餐廳已經俾佢嘅裝修吸引咗，漫天天燈配合中式木及復古風格非常有特色，令到我毫不猶豫揀咗呢間餐廳。
餐廳面積唔大，但各個地方都費盡心思。除咗餐廳中央有個大大嘅台灣地圖，牆上貼滿左唔同著名嘅台灣電影海報 (勾起晒啲回憶🥹)外，仲會播放唔同出名嘅台灣歌曲 (忍唔住一路食飯一路哼歌😝)，喺呢個氣氛下食飯都真係唔錯。
而我同友人都叫咗唔少嘢食:
台灣梅粉番石榴串 ($32) 🍡: 大愛大推😍 相信香港人會比較少嗌呢度前菜，但係無論賣相定係味道都非常吸引。冰凍嘅口感、爽甜而紅綠相間嘅番石榴串、配上微酸嘅梅粉，實在係一個非常清新嘅配搭。成日睇YouTuber都會介紹台灣人食水果沾點梅粉嘅習慣，今次都令我愛上呢個配搭！
蚵仔煎 ($58) 🦪 : 同香港嘅蠔餅有異曲同工之妙，但係食起嚟煙韌香嫩(QQ)，而且亦都冇咁熱氣。進食嘅時候可以淋上台式甜辣醬，就更加提升整體嘅味道層次啦！
半筋半肉麵 ($88) 🍜 : 台灣菜叫牛肉麵又係必然之選啦！有兩點幾特別，一係客人可以自選粗幼面同軟硬度(menu無提但店員會幫你記低)，二係湯底會喺上菜後店員先會直接倒上。牛肉大件、入味，入口亦都唔會變渣；而牛筋就熬至非常軟身，有少少入口即溶嘅感覺；湯底飲落去清甜可口，似係店舖真材實料熬製而成👍🏻；而麵既筋道夠、份量足，亦係好評。
鹽酥雞扒飯 ($68) 🥘 : 價錢相宜、味道可口、分量足夠。鹽酥雞扒外脆內軟、外層炸粉唔多、而且肉質入味鬆軟、鹹香味獨特，確實係下飯佳選。
鳳梨啤酒 ($38)🍹: 台灣製嘅啤酒，有各種水果味嘅選擇。今次選擇嘅鳳梨啤酒真係好香口，果味清新，估唔到配啤酒效果都可以咁好，好適合女士嘅選擇👩🏻
麻糬奶茶 ($24)🧋: 台灣餐廳叫手搖係標配吧！見到餐廳有好多麻薯系嘅甜品，所以特登嗌番杯麻糬奶茶試吓。而佢嘅奶茶底確實唔錯，麻糬而唔係珍珠嘅選擇亦都好新鮮(非常配、好飲好飲)。下次都會再嚟飲返佢呢杯咁獨特嘅麻薯奶茶嘅！
食到飽飽~~
好鍾意台灣菜簡單但口感豐富，而台灣呢個國家都好有人情味。呢間餐廳雖然喺小巷中，但成功營造到台灣夜市嘅感覺，食完亦都有種小確幸嘅幸福感。💛
講講吓，睇嚟又要計劃下去台灣旅行啦🤣
张贴
