六合小巷 (已結業)

【北角台式小店．台灣名物樣樣齊】#MC帶你去北角暑假個個都飛台灣，但機票酒店咁貴，MC為大家介紹一間台式小店，頂住台灣癮先！🍜 古早藥膳牛肉麵 / 半筋牛肉麵牛肉/牛筋份量都十分足料，古早牛肉麵（大約5舊牛肉）、半筋牛肉麵（大約2牛筋4牛肉）。牛肉麵藥膳味重，調味恰好，牛肉偏淋，牛筋唔梅，有嚼勁。上藥時有有一羹酸菜加辣椒圈，可以因自己加落去。麵質偏硬，不過普遍台灣牛肉麵都係咁。🌶️自家麻辣金錢肚✨十分推薦，$18加配價，可以食到粉皮+金錢肚，金錢肚爽口，全部都有坑紋。🍗 一口鹽酥雞即嗌即炸，食到最後都仲係脆，份量多到兩個人食唔曬。🧉黑糖珍珠鮮奶珍珠彈牙似老虎堂似正宗台式飲品，十分Q彈🤪 👂🏻台灣辣椒醬聽到隔離台嗌左台灣辣椒醬，小編都唔知有咩分別，所以幫大家試左，味道有啲似豆瓣醬，唔會搶喉，不會太辣，食辣既朋友可以一試。小編提提你，台灣辣椒醬係要問佢拎先有嫁🤫整體︰⭐⭐⭐⭐/5食物︰⭐⭐⭐⭐/5環境︰⭐⭐⭐/5價錢︰⭐⭐⭐⭐/5推薦︰麻辣金錢肚，半價飲品，半筋半肉麵==============================📍六合小巷地址︰北角電廠街9-15號聯和大廈地下A號舖交通︰港鐵炮

見社交媒體網站上食評吸引，特登過嚟一試雞湯麵不見如網上食評所述，餐牌上無寫可以加錢揀脾位，因此叫了鹽酥豬扒麵（$58）。iphone鏡頭拍照偏黃都好，都已經睇落白哂哂咁現實中睇落更白，差啲以為係未炸就攞咗上嚟食落正常雞湯麵不如網上所述，上完菜先斟湯而係喺出餐處一旁嘅湯桶落湯都算食落完全唔香濃，冇所謂「雞濃湯」嘅口感或味道隻雞究竟係失蹤咗定點麵條漿成一團，口感奇差如嚼泥。毫無彈性亦無麵香。上菜時店員隻手仲要插到豬扒，個炸皮都甩咗一忽一句道歉都冇，可想而知衛生意識好差可能你會諗，$58姐，想點但係個問題係我問清楚店員，佢話個湯同雞麵係同一個即係話$88都好個湯都係哩個湯咁點解要食佢？如果冇睇食評冇期望，食落只會係少少「唉咁平都預咗伏」嘅心情但係而家直情係直升機咁😅伏伏伏伏伏⋯⋯如果你都係睇完ig想食雞湯嘅，我勸你有錢都唔好浪費🙏🏻佢而家係喺哩度加湯

被這間店舖門口的紅燈籠吸引了我，決定入內一試裡面的台式食品。我和老公二人點了蟲草花雞脾濃湯麵，蚵仔煎及上湯時蔬。湯麵的湯底濃稠，鮮甜味美，雞脾肉嫰，伴以蟲草花，感覺健康。蚵仔煎香脆可口，不會太油淋淋，惹味非常。

喺北角又開咗一間新嘅台灣菜館，六合小巷，呢一間餐廳門面超級正，好多個🏮燈籠懸掛喺上高，裡面嘅裝修簡樸，都係舊時代嘅主題,各式各樣唔同嘅天燈，睇落去五光十色，而佢哋係走抵食路線😆🦑酥炸魷魚鬚 $68: 呢款炸魷魚鬚份量唔算多，但係每一件都非常巨型😱，炸到外脆內軟，非常香口，魷魚爽口彈牙，絕對唔會乾爭爭👍🏻🥬上湯時蔬 $48 :不過呢款油麥菜就太過清淡，通常台灣菜都會有燙青菜，醬汁都惹味，但呢一道過於淡味，面層只有幾條肉條😞🐔台式鵪鶉蛋滷肉飯 $53 :鵪鶉蛋滷肉飯比較少見，睇落去賣相同出邊嘅不相伯仲，但滷肉就非常少😩，醬汁都冇咩，雖然係平，但係味道應真麻麻😩🐔黑麻油蟲草花濃雞湯麵 $68 :我哋轉左幼麵同轉雞脾+＄15，唔知係咪一般嘅雞湯面都係咁樣，面層浮起咗好多油😔，食落好油膩🤢，但雞肉都比較嫩，但唔夠入味，份量適中😩🍹鳳梨冰茶 $28 :呢兩杯嘢飲其實都非常普通，呢款冰茶茶底較為淡，亦都冇乜鳳梨嘅味道😩🍹凍頂烏龍 $22 :淨烏龍茶方面都係比較淡，而杯嘅賣相都係一般😩

‼️六合小巷已轉了新menu,沒有麻糬了🥲但仍可以試蟲草花濃雞湯麵～1️⃣蟲草花濃雞湯麵($68)對於蟲草花係渣過嘅好驚喜！食落香口，但又不失蟲草花嘅煙韌口感🤩湯係好好飲，好有雞湯味，唔太鹹感覺冇味精，食多兩啖好滿足👍🏻麵質係幼麵，有少少似拉麵口感，同個湯好配合。但失色係雞件，雖然有雞髀肉，但唔知係攞咗嚟淆湯定係淥得太耐，一啲都唔滑，係扣分位。2️⃣古早藥膳台灣牛肉麵（$78）湯底嘅藥膳味唔重，亦冇牛肉湯嘅味道。麵質係粗麵嚟嘅，但食落似麵粉，比較冇口感唔彈牙。最好味係牛肉😋真係好淋好好食，而且切條可以方便食用，以牛肉麵來講牛肉係非常合格🫡📍總結：-餐廳佈置得好台灣感覺，天花板充滿燈籠，有feel。-好可惜冇咗麻糬🥲🥲

六合小巷 （北角）對於自己的家鄉菜甚是懷念，由於工作關係未能可以開關後可以立刻飛台灣，唯有黎食台灣嘢黎比自己滿足下旅行的意義，等自己覺得可以去左台灣一轉。半筋半肉麵 $70湯底好濃郁，個面係刀削麵咁嘅feel，不過食落去唔會話好硬，但係同自己平時食開嗰啲台灣麵質係有少少唔同，但個口感都係我鍾意既。因為我唔太鍾意好淋既既麵底質地。但起碼呢個刀削麵係好有咬口，而且個牛肉和牛筋炆得好淋，同埋都易入口，食完覺得自己好似身處喺台灣食緊夜市牛肉麵鹽酥雞扒飯+6蚊轉滷肉飯$62一直都好想再食鹽酥雞，但係呢間舖有我最愛嘅鹽酥雞，所以一坐低就已經mark定要食呢一個，再加上佢呢個滷肉飯個肥豬肉好正，因為佢唔似平時出邊食嗰啲滷肉飯剩係得肉，同埋佢個滷肉飯同個白飯都好夾，兩者係融為一體，個鹽酥雞好Juice因為係即叫即炸。咬落去唔會話係乾柴柴。性價比都幾高。自家製雞絲粉皮味道就正常。可以當係一個餐前小食。🧃飲品：燒仙草奶茶、芒果冰果茶+愛玉飲完飲品作為成餐飯嘅ending，就好似彷彿身處喺台灣咁。店內環境都係舒服，枱與枱之間唔會係好迫，彼此之間都有啲空間，因為佢營造到店舖好有夜市feel🌟🌟🌟

今日放工之後 同同事去咗六合小巷食晚餐🥰入到去舖頭 唔算多人叫完嘢食之後 亦都好快就上到😝食物質素對於個人嚟講 覺得小食唔錯 做得幾好特別係一口鹽酥雞😍好脆口！而且小食嘅價錢都幾平👍🏻叫咗三樣都唔覺得貴 性價比好高🥰牛筋牛肚都做得okay 但係啲麵都真係幾淋身下 就唔太喜歡如果硬身翻少少嘅話會比較好☹️- 一口鹽酥雞 $12- 自家麻醬雞絲粉皮 $18- 台式燒香腸 $12- 原汁牛筋牛肚麵 連飲品及凍煉奶仙草$98

今日去咗炮台山呢一間台式餐廳食下lunch, 餐廳距離地鐵站都唔係太遠，非常容易搵到 我哋下晝食下午茶，所以好快就有位，唔使排隊非常好餐廳充滿台式嘅設計，有好多唔同嘅燈籠，非常有意思！每一個燈籠都會寫上唔同嘅食物，好似望上去天花板，就可以睇到啲menu，呢個位非常特別首先想讚佢嘅半筋半肉麵，一上枱見到份量都幾多，牛筋炆得非常軟林林，非常好食，亦都非常入味！牛腩亦都唔會有太韌嘅感覺，做得非常好，再配埋麵條一齊食非常正，個面亦都唔會太淋，火候控制得非常好麻辣金錢肚亦都非常正，金錢肚非常爽口彈牙，再配埋個辣汁食，簡直係一流，非常有台式嘅風味！朋友就非常鍾意佢嘅雞絲粉皮，話佢嘅調味都做得幾好，粉皮亦都煙煙韌韌幾好食！我同朋友都不約而同叫咗燒仙草奶茶，奶茶調味唔錯，唔會有太甜嘅感覺，再加埋仙草，口感非常特別，夏天飲簡直一流！下午茶時段黎食價錢都唔算太貴，有機會會再返嚟幫襯

成日番屋企都會經過呢間台式餐廳，台灣菜真系食極都吾會厭👍🏼又平又可以食得飽。六合小巷位於北角電廠街，其實近炮台山，要去都算方便。環境充滿台灣氣氛，令人彷如置身台灣夜市中。次次食台灣菜都會食鹽酥雞，黎到呢度亦吾例外。鹽酥雞香脆可口，不過鹽酥味就遜色啲，食食吓可以食好多件😁送飯一流。滷酥豬扒飯，原本有諗滷酥雞扒飯，不過已經叫咗鹽酥雞🐔所以想食滷酥雞扒飯。店員就話冇曬滷酥，最尾轉咗普通雞扒飯。普通雞扒質素都ok，啖啖肉，如果飯多啲滷汁就好。古早藥膳台灣牛肉麵，台灣菜必食牛肉麵🐮好彩藥膳湯味吾系好濃，對我黎講仲好，啲湯算重牛肉味。牛肉軟稔多汁，成個組合充滿台式風味。朋友同我分別叫咗珍珠奶茶🧋同埋茉香奶茶，珍珠奶茶奶同茶比例好均勻！茉香奶茶茉香味濃郁。最後叫咗黑白配，即白玉豆花拼燒仙草🤍🖤豆花配以牛奶奶香味豐富🤍白玉、紅豆🫘仙草等配料混合味道不俗。

鹽酥拼盤有鹽酥雞，貢丸，花枝丸同埋四季豆，份量多到4個人share都得！雞炸得好脆，四季豆冇炸到好乾幾好味。六合醬油雞絲撈麵又係超級大份，麻醬唔吝嗇，再加上少少芥辣即刻balance返晒，好開胃。醉雞翼酒味夠濃，雞翼夠大隻啖啖肉烤台灣腸雖然平時超市都可以自己買到，但係食台灣嘢總係想食下台灣腸。黑糖珍珠鮮奶黑糖甜度剛好，冇諗過咁大杯超飽肚。檸檬愛玉冬瓜茶夏天飲啱晒，酸酸地澀澀地，唔會太甜，解膩一流。位置雖然唔係大街，但係都好易搵，舖頭裝修好有台灣特色。每種食物份量都超級大份，價錢又平真係醫肚之選！

開咗關都仲未有機會去台灣，唯有食下台灣菜止下癮先。喺炮台山電廠街有依間小店六合小巷，見到門口掛哂燈籠真係幾有feel，好掛住台灣啲小店同夜市啊。食物選擇多，欣賞佢哋都設計左不同小食優惠或者主食配搭，啱晒心大心細嘅人可以試多幾款。主食叫咗兩個，包括原汁牛筋牛肚麵同台式魯肉滷豬腳飯。份量好足料，牛筋牛肚都煮到好淋入唒味，用上闊面更加有口感。魯肉飯都冇令人失望，豬肉油香撈飯無得輸。⭐️記得留意牆上面嘅套餐同小食優惠，會抵過另外單點㗎另外加配小食上湯時蔬、台式燒香腸、一口鹽酥雞。呢度小食嘅份量都俾得好慷慨，適合同人分享。蒜片夾埋香腸片一啖放入口，好惹味。鹽酥雞熱辣辣上枱，夠香脆。檸檬愛玉冬瓜茶味道清新，愛玉有嚼口香芋鮮奶有芋頭同奶香，略嫌少少過甜一人套餐仲包括甜品燒仙草，真係好滿足

今日嚟到炮台山食飯，俾門口嘅燈籠吸引咗入去呢間主打牛肉麵同埋台灣小食嘅餐廳👀餐廳設計好特別，一入到去有個類似台式飲品店嘅門面同少量坐椅，再入去就有個更大嘅堂食空間🍽✨六合招牌鮮果茶應該係用咗四季春做茶底，茶味香濃🫶🏻有少少回甘，果糖味唔會太重👀同平時水果茶有啲唔同，適合著重茶底嘅人飲✨✨凍冬瓜茶味度唔會太甜，甜度適中🥤✨鹽酥花枝丸 $38椒鹽味較重，一份有五粒，份量足👍🏻✨古早藥膳台灣牛肉麵 $78牛肉麵咬落幾有口感，牛肉都煮得幾淋同入味👍🏻，湯底比蟲草花雞濃湯相對濃郁🍽✨蟲草花雞濃湯花膠雞髀麵套餐 $98🍗原隻雞脾切件上，份量都幾足👀配料豐富，有花膠、小棠菜、蟲草花同埋少量蔥做調味。湯底比較清，有微微麻油香👍🏻另外面底份量比較多，手工麵條有少少嚼勁🤪比較驚喜嘅係個甜品👀✨自家製白玉豆腐花 (跟餐)豆腐花質感比較厚實，同時好嫩滑😋另外配料口感似蒟蒻，少少彈牙✨紅豆蓉嘅甜配上豆腐花，味道出奇地夾🫘

老婆之前去過食過tea，同我提過呢間台式料理好有台灣feel，野食又幾好味，成日話想帶我試吓，今晚我終於可以喺8點收工趕到返去同佢食！餐廳內外掛滿燈籠，好有九份feel!套餐都抵食，包台式飲品同甜品：《 三杯雞便當 $98 》雞用蒜頭、辣椒同薑爆香幾惹味，加埋滷肉撈飯幾好味。包飲品，自選《 六合招牌鮮果茶(凍) 》大杯微甜解渴。套餐甜品 - 《 凍煉奶仙草 》仙草幾滑，仲有彈牙嘅珍珠。《 原汁牛筋牛肚麵 $98 》必試呢碗，湯低夠香濃，麵條彈牙煙韌～牛筋軟稔，牛肚彈牙唔韌又吸湯～自選飲品 -《 六合招牌鮮果茶(凍) 》同上。套餐甜品 - 《 凍煉奶仙草 》同上。《 滷水拼盤 $56 》有牛肚、豬腸、雞翼、豆腐，都好入味。《 上湯時蔬 $12 》係白菜仔～《 醉香雞翼 $18 》冷盤嚟～三隻都好入味有酒香～《 自家麻醬雞絲粉皮 $18 》好惹味～

餐廳外掛住五顏六色嘅燈籠，好似天燈一樣 ，好有去咗台灣嘅感覺。 內裡座位舒適， 以木櫈同埋軟皮卡位為主，唔會話好窄， 啱哂想一路傾計一路食嘢嘅人。本來諗住黎試下原隻古早味菠蘿，黎到先知道換左新餐單，一於試下新嘢啦。我同朋友各點咗一個一人套餐， 套餐可以自選一款主食 ，搭一杯飲品，仲附送一款當日指定嘅甜品，幾抵食。我點咗個三杯雞便當， 便當用餐盆載住，包含一個滷肉飯，三杯雞，同埋青瓜木耳酸蘿蔔三款小食。 肥美嘅豬肉切成絲，炒成糖色， 經過鹵煮之後， 配上醬汁淋喺飯上面，送飯超香口。 三杯雞加入咗原粒蒜頭 ，辣椒切段同埋薑片爆香，非常惹味。 雞肉入口嫩滑，堪稱白飯殺手， 送飯一流。豆醬蒸比目魚魚肉結實，入口嫰滑，煮得啱啱， 配上豆醬更能帶出魚嘅鮮味， 餐廳重加咗條菜心畀我添 🤣六合招牌鮮果茶原先以為果茶會係偏酸嘅 ，飲落微甜好易入口。抹茶拿鐵抹茶拿鐵勝在唔甜，茶味好出。 啱曬我呢啲怕甜嘅人。鹵雞翼雞翼一客5隻， 佢嘅鹵水有少少似茶葉蛋咁帶有藥材味， 食落入味唔油膩。

約咗朋友去東岸公園行吓，出發前先喺北角食個午餐。選了電廠街這間開業只有半年嘅台式小店「六合小巷」。餐廳取名自高雄六合夜市，店內外都掛滿了紅紅橙橙嘅燈籠，非常搶眼，令人有彷如置身於地道台灣夜市般。餐廳主打台灣料理，午市套餐有 8 款麵食同 4 款便當可供選擇，全部都配有餐前小食及飲品，另外亦有夜市滷水及拌麵小碟等供應。肉鬆皮蛋豆腐 ($36)、自家麻醬拌雞絲 ($36)  豆腐十分嫩滑，豆味好香濃，配埋啲咸香嘅肉鬆、彈牙皮蛋同醬汁，味道一流，好食到停唔到口！雞絲肉質都好嫩，份量十足，同胡麻醬嘅口味非常夾，入口還滲出輕輕芥末味，撈埋一齊食簡直係絕配。精裝牛三寶麵 ($90)  先嚐一口以新鮮牛筒骨及多種天然香料和藥材熬煮而成嘅熱湯，味道非常濃香，鮮甜回甘，溫潤醇厚。三寶有牛筋，牛肉同牛肚，牛筋Q彈入味、牛肉軟嫩多汁，牛肚鮮香爽口，麵條煙韌有嚼勁，食落有麵粉香，與濃郁清甜嘅湯底十分搭配。蔭豉蒸比目魚扒 ($88)  魚扒大大件，夠厚身，食落去肉質好嫩滑，肉感軟綿，加上豆豉嘅鹹香，用來下飯真係一流。跟便當嘅魯肉飯用料亦唔馬虎，魯肉以西班牙半肥瘦腩肉炮製，入口甘香肥美，醬汁濃郁惹味，米飯粒粒分明