波濤餐廳 (已結業)

見食評勁讚炭燒扒，一於去試試。晚餐牌一邊係普通飯意粉，另一邊係炭燒扒餐，包餐湯，田螺薯蓉，飲品。我當然叫炭燒牛扒五成熟。家人叫炭燒豬扒，焗海鮮飯。我個牛扒意外地剛好五成熟。外面炭燒烤紋清晰，夠炭燒味，牛肉味濃，切開肉汁豐富。點都想唔到只係$88。豬扒亦唔鞋，夠軟熟。連飲品都大杯過人。臨走時見人食羊扒，立即問點解餐牌冇，原來係寫係另一面既黑板度。下次一定要再試試羊扒。服務亦算唔錯，值得推介。