波濤餐廳 (已結業)

夜晚八點度同朋友一行四人去試下..見裏面仲有位, 點知receiption個姐姐仔話要等兩張枱..原來佢地只係入去張d枱拆返開個兩張四人枱only...入到去無乜侍應..我食左個豬仔骨雞扒餐, 有湯,餐飲,包...餐湯-羅宋湯, 味道麻麻..豬仔骨同雞扒都唔錯...朋友叫既土耳其雞就太過濃...

成日行過呢間野，都唔入去！今日睇完戲，我同我男友實在太肚餓，就入左去醫肚！我地叫左個牛扒.....又幾好喎，係個薯容加面頭果"pat"野賣相唔好(個人問題)我見到隔離碟"大蝦沙律"都唔錯，好大碟，下次試下先

叫o左個二人套餐蒜蓉包x 2餐湯x 2紅湯: 幾好飲白湯: 我男友話好好飲燒烤拼盆: (炸雞件x 2: 難食, 豬肋骨x 2: 一般, 牛扒x 2: 好好味, 好淋, 粟米x 2, 薯條: 普通…)包兩杯凍飲蜆肉闊條麪: 好多蜆肉, 幾好味…另外加$20有白酒煮蜆肉: 哩個好好味, 個汁好好味好有白酒同洋蔥味, 仲有好多蜆肉tim…

尋晚八點倒兩個人去近近地去新都會食晩飯,本來想去對面維X食扒, 要等位...於是兩間攞哂飛仔~ Porto有位先就入去試下lu~~食左兩個set:"燒雞扒併面包蝦及薯仔鮮果沙律"$65(是日晚餐之一)前菜有兩隻"奇尊串蝦"= 連殼炸食唔方便,普通中小形蝦, 味道亦普通..雜菜湯+一片蒜蓉法包= 湯幾好味酸度對我嚟講啱啱好, 蒜蓉包外脆內軟, 蒜蓉幾香~ main dish:燒雞扒= 兩小件雞扒,本有啲失望, 但原來幾juicy幾厚~好味面包蝦= 兩隻吉列炸蝦,都熱ge,勝在新鮮la...薯仔鮮果沙律= 一大堆但唔好食,沙律sauce冇咩味...iced coffee= 普通"豬肋骨併西冷"set$88前菜田螺伴薯蓉,好食但好少~白湯(磨菇)+一片蒜蓉包= 湯幾濃味幾香但少少膩,蒜蓉包好味豬肋骨併西冷+薯菜= 豬肋骨有4節,幾入味,好香口,因為仲脆的,好味西冷= 普通,唔記得問我們要幾熟, so出到嚟都差十成了,太熟有點un...薯菜是薯條粟米同翠玉瓜= ok凍奶茶= 好淡,唔掂加左個甜品$18紐約芝士餅併stawberry雪糕= 芝士餅太散,雪糕有冰,唔好食...good :全部嘢食都

其實我上年都有寫過呢間野野既食評架,當時都覺得呢間野d野食唔係太衛生,不過勝在近我屋企,味道又可以接受,所以一直都成日同朋友去食飯.......不過自從今日既不愉快事件後,唔會再去...1.話說我今日同朋友食飯,我叫左個油醋汁雞扒什菜 沙律,我朋友叫左個炭燒xx什果沙律2.上菜後,我朋友比左d什果沙律落我碟什菜沙律度(食 開沙律既人都知道什果沙律多數有沙律醬,而什菜沙 律則多比汁多,表面上睇落只係得一灘菜的)3.我食食下,發現我碟沙律入面居然有隻冇肉既蜆殼!! 咁叫左個女侍應過黎,我咩都冇講只係用手指指住隻 蜆殼,個女侍應木無表情答一聲:"我換過比你"就行開 4.等左十分鐘,碟野到左,但好明顯是比番頭先碟野我, 份量少左一大半,但係伴碟d蕃茄仔冇哂,好明顯係因 為先前我朋友比左d什果沙律我碟野度,d醬沾上左落 d菜度,所以佢地拎走左我碟野3/4既菜再原碟比番我 囉....(而且沙律菜來價比較貴)5.我好嬲咁叫個經理(唔知叫kobo定kobe)過黎,同佢講 個餐我想cancel左佢,佢只係好串咁講"好呀",之後就 行開左成個過程一個唔好意思或者sorry都冇!!!

尋日係本人牛一**2008.03.19*去左呢間食野..個名，其實我覺得好怪..不過唔怕啦..見到D餐唔係好貴..是但入去食架咋..XD*我真係第一次去呢間野度食...@.@叫左一個二人套餐..有飯有扒有湯有餐飲..前菜：蒜蓉包好脆好香，不過..個酥皮忌廉湯有D唔係咁好..酥皮唔係酥皮囉..XD*個忌廉湯都好好飲..主菜：炭燒豬扒好正..好味好味..=]*D豬扒唔係硬掘掘..D汁都好香好好味..西班牙海鮮炒飯好好食，真係好好食囉..尤其係個青口，芝士焗，又有碎肉粒，好正..GD, GD, GD, GD!!餐飲：都係同平時果D差唔多，冇咩分別啦..=]*

日前到訪波濤餐廳，才發現它新增了很多甜品upgrade options，惠顧套餐後就可以優惠價選購甜品/特飲，故特地介紹一下!　依次序還是先講講主菜：一般而言不算太突出，卻是穩打穩紮的；今次返炒燒豬仔骨(半份$68)，味道稱不上好好，然而有一定醬汁及肉汁，效果總不算太差，加上燒香的粟米及大量雜菜都值得加分。　重點是甜品：現時新增4-5款選擇，不算太多但都十分便宜，最貴的的雪糕芝士餅組合才$16，飽也要叫一份試試：原來芝士餅只佔整件餅的中間部分，約六成左右比例，好在上下層的餅層與芝士味都幾夾，尤其下層餅脆脆的幾討好，而且也令整件餅沒那麼漏；雪糕應是牛奶公司來貨，比較快融都不失香甜，加埋芝士餅與熱咖啡，實在令人滿足。　在葵芳食得悶悶地，波濤的甜品都算是不錯的慰藉!

同朋友ｊ去呢度食野．平日都幾多人ｗｏｗ．千萬不要叫沙律．好唔ｐｒｏ的沙律．不過朋友ｊ食的豬肋骨真係好正。我下次都會拎多ｄ人黎一齊吃扒。不過ｄ　ｗａｉｔｒｅｓｓ．我會用「不知所謂」黎形容：因為叫極都唔理人．又唔留意，飲完水轉身返廚房叫左轉左個雜果沙律做雜菜．等左好耐，黎到．都係雜果沙律｛當然係好難食｝埋單又慢．飲野又慢。

星期日晚同男朋友+朋友去左食一個蘇雲寶西冷扒- 好特別, 呢個最好味一個炭燒牛扒- ok唔差, 不過有dd "um"一個炭燒羊扒+雞扒- 羊扒好味, 冇so 味, chicken就一般啦呢個價錢可以食到呢d水準都算唔錯啦~

之後，跟女伴到這兒吃晚餐，聖誕節前後期間，所有晚餐都略加價。今晚有兩款二人餐，吃steak 的要$289，吃baby back ribs 要$238，經過早陣子在Suzuki 一役，當然選ribs，附餐包、餐湯、飯/粉/薯一客，餐茶，合共$262，幾經濟。蒜蓉包係真材實料，有香濃蒜油味，體積亦大大件，烤得外香內軟。餐湯係「金必多濃湯」，魚柳、蟹肉、仿魚翅都有，湯亦濃郁。主菜係招牌「醬燒豬仔骨」，四個字「真材實料」，這兒的豬仔骨亦算好肉地，不油膩，唔錯！伴食的蕃茄醬茄子和炸薯格幾惹味。再來就係三選一的第二主菜「焗菠菜魚柳薯蓉」，都係味道足材料堅之作，絕對夠飽。餐飲選熱好立克和熱檸茶，居然有代糖供應，好！服務和食物都好，絕對有下次。

見到個個都話呢到d炭燒扒咁好食~就專程去試試~我同女友叫左2個扒餐~豬仔骨拼牛扒/豬仔骨拼雞扒頭盤:蒜蓉包:好脆幾香2個忌廉湯:過得去~可能本人唔係太好呢d湯田螺薯蓉:味道好甜~食到有點滯的感覺!主菜:牛扒個碟既炭燒烤紋清晰~但係雞扒個碟就可以話完全冇(我係好期待呢樣野><")搞到出到黎感覺差dd~同埋個size 細左D~個豬仔骨就要好有技巧先食得哂~我食左一半已經放棄了~得我女友一個能夠戰勝佢!個栗米就差D香咪~餐飲就凍奶茶/咖啡~都幾大杯@@"服務亦算唔錯~ 整體黎講算係不過不失!

今日同個frd係附近學完蛋糕之後過左黎呢邊食野. 之前我屬意另一間西餐廳, 不過係門口見到價錢幾貴同埋上完堂之後同朋友即場食左個軟心蛋糕, 都已經半飽. 朋友見我想食西餐, 所以就推介左呢間.入去之前已經見到佢d野大大碟, 所以同朋友商量之後就決定兩個人叫左一個$88既炭燒full baby back ribs 外加一個酥皮湯. 酥皮湯朋友話唔錯. 我叫既菜湯都幾creamy, 唔似有d西餐廳, 煲到好似中湯咁水. main course係十五分鐘內送到. 真係好大囉. 不過味道就麻麻. 個汁好味但係淨係面頭嗰層有味. d肉好似白烚咁. 之後係朋友極力推介之下點左個青檸芭菲. ok喎, 好清新既青檸味, 酸酸咁幾好味. 同友人叫左一個餐都食淨左一半. 價錢都係每人$60, 都真係幾抵. 雖然野食唔係話太好食, 不過下次諗唔到食乜都會番黎試其他野, 希望有驚喜.值得一讚既係, 每位待應生都好好笑容, 舉手五秒後必有人應. 就算唔得閒即時服務都會點頭示意. 讚!

今晚睇完戲去食飯，坐底時已經九點半，叫左三個餐，一個係蜜桃蕃茄炒飯，一個係燒鴨胸，另一個係炭燒巴西豬扒．先講個湯，兩個雜菜湯，一個忌廉湯，雜菜湯冇味似水，忌廉湯黃色的有怪味，蒜蓉包凍冰冰硬掘掘！之後黎個前菜薯蓉田螺，味道一般之餘，食食下仲有成條頭髮埋左響D薯蓉入面...之後主菜黎到，佢見我地停晒手都冇收走D飲完既湯碗，到後來要我地主動叫佢地收佢地先收．主菜方面，蜜桃蕃茄炒飯，D飯太濕之外，又炒唔均，有D飯凍有D飯熱，蜜桃仲係凍冰冰，好明顯係剛響雪櫃拎出黎的罐頭蜜桃．燒鴨胸味道ok，但只有5小塊，份量真係太少．最後個巴西燒豬扒係最好味的一個，有炭燒味，亦夠熱，又唔會韌！最後黎埋餐茶，又係見到我地停晒手都唔收走D主菜既碟...唉...

未行街之前要食個lunch，見好多人都比呢間餐廳好評，又有credit card discount一定要試試啦。lunch 的選擇唔算太多，我地佢地最推介o既係炭燒，就每人一個炭燒扒餐啦﹗最好味係西冷，真係有BBQ味，七成熟都好準繩，不會太生或太熟。其他的「炭燒」就麻麻地，只係一般，但係份量就好足，一定夠飽。餐湯都唔錯，好多菜又夠味，餐茶好大杯﹗$200三個人，ok呀﹗

見食評勁讚炭燒扒，一於去試試。晚餐牌一邊係普通飯意粉，另一邊係炭燒扒餐，包餐湯，田螺薯蓉，飲品。我當然叫炭燒牛扒五成熟。家人叫炭燒豬扒，焗海鮮飯。我個牛扒意外地剛好五成熟。外面炭燒烤紋清晰，夠炭燒味，牛肉味濃，切開肉汁豐富。點都想唔到只係$88。豬扒亦唔鞋，夠軟熟。連飲品都大杯過人。臨走時見人食羊扒，立即問點解餐牌冇，原來係寫係另一面既黑板度。下次一定要再試試羊扒。服務亦算唔錯，值得推介。