柞木炭家

营业中

休息中

係旺角T.P.O商場內嘅柞木炭家韓國燒烤，裝修時尚，座位闊落坐得舒服，爐裡面有幾舊炭，真正嘅炭火燒烤。而且抽風做得好好，燒完個身都冇一陣味。店員有禮殷勤，好快就上齊我哋點啲嘢。前菜一啲都唔馬虎，辣蟹仔，醃蘿蔔，小棠菜，土豆絲，泡菜，酸酸辣辣打開胃口。壽喜燒和牛西冷：大大片和牛西冷肉質鮮紅，脂肪分佈平均。店員會主動幫忙燒，先用牛脂抺爐，之後店員純熟地反幾反，生熟程度控制得宜。和牛西冷沾上蛋汁，配上飯團，入口鮮嫩幼滑，滿口牛香，實在美味！慶州極尚黑毛豬梅肉：兩件都好有睇頭，我哋諗住豬肉燒熟啲，出奇地燒咗好耐肉都唔會乾，而且仲係肉嫩多汁，用生菜包肉，蒜片和青陽辣椒食又係另一番風味。和牛牛肋肉：本身已經醃得好入味，牛味濃郁。擔擔味噌茄子：茄子被濃厚醬汁覆蓋，茄子微辣，好惹味。和牛三文治：半熟和牛配上烘多士，極度邪惡，再配上餐廳自製醬汁，外脆內軟，一試愛上。青肉蜜瓜沙冰：在原個蜜瓜內挖球，用蜜瓜肉制成沙冰，清凉解渴。蜜瓜又可作飯後果，將豐盛嘅一餐劃上句號。