嚐喜大不同特色餐廳小廚

营业中

休息中

呢間店嘅煲仔飯喺北角天后區都算有小名氣，北角都有間店嘅。煲仔飯我就未食過，今日未食午餐就過嚟買一買下午茶先。下午茶時間無乜客，選擇都好多，正常茶餐廳食到嘅呢度都有，佢所有炒粉麵飯都一律$35！❤️ 櫻花蝦炒飯連飲品 $35個飯同食午餐分量一樣，都裝滿哂個飯盒。但餸就唔多😕 蝦得幾粒，櫻花蝦都唔多，個炒飯唔太食到蝦嘅香味，所以keep住食成件事好單調。擺耐咗仲有陣油膉味。好食度：⭐️⭐️ (2/5)餐廳推薦度：⭐️⭐️✨ (2.5/5)今次炒飯有少少失準，可能下次再嚟食真係淨係試佢個煲仔飯算，炒飯我就唔太推介喇。