福井茶室 (已結業)

午市路過，見新開，賣炒蛋配日式定食，又試下。炒蛋賣唔到太高價錢，配個日式餐，即刻可以賣四十多蚊一個set，醒哂。SET可以跟炒蛋多士或者溫泉蛋沙律，要左前者試試。炒蛋先黎，睇落有蛋汁，似樣，食落唔算滑，不過有蛋香，可以的，多士幾好，厚身熱脆。要雞扒通粉，雞扒凍凍地，通粉同埋個湯暖暖地，應該唔會係秋涼所以一上枱就攪成咁，通粉大路穩陣的，要坑通就唔岩心水啦，雞扒汁夠多，味係想像到。d野唔太熱係打左唔少折扣。奶茶幾滑下，茶味夠，幾好。$44蚊一個炒蛋一個雞扒通。