影片
更多
2021-07-05
367 浏览
因應今年頭5個月既雨水特別少關係，炎熱既夏天日數比往年更多，太陽亦都相對更猛更毒，實在真係令人覺得好難受。 入到西貢呢個海(水上活動)﹑陸(行山)﹑空(滑翔傘)活動都做得既地方，玩到咁上下個陣都想搵透心涼既食物去補充下能量! 小滿定律可能就係俾到大家呢個感覺既地方!小滿定律位於西貢市中心大街旁，簡單講就係沿彩虹/德福綠色小巴站旁間7-11便利店，向前行1分鐘左右就會見到。門面以簡潔日系白色設計為主，同時門口都有張櫈，方便想涼住天然風既客人可以響門口享受。(以小編所見，的確都有唔少人會想坐響室外多過企響室內)見到英文店名"Law of Yogurt"就知道整間店鋪都係以乳酪為主要菜色：有乳酪雪糕﹑希臘乳酪﹑乳酪奶昔，以及不同解渴種類既檸檬特飲。大家都可以留意到每款乳酪都可以有唔同配搭既選項，當你決定好款式後 (例如小編今次就嘗試A款既乳酪雪糕 (即包3款配料+1款醬汁))，就可以將目光轉去中間，由23款配料及4款醬汁中選取自己鍾意既，咁就完成喇! (如果想大約望望配料既外觀既，其實櫃檯附近已經放置好俾大家了解下呢!)作為第1次享用小滿定律既乳酪，小編就選擇左乳酪雪糕A款：配料 - 芒果﹑
小滿定律位於西貢市中心大街旁，簡單講就係沿彩虹/德福綠色小巴站旁間7-11便利店，向前行1分鐘左右就會見到。門面以簡潔日系白色設計為主，同時門口都有張櫈，方便想涼住天然風既客人可以響門口享受。(以小編所見，的確都有唔少人會想坐響室外多過企響室內)
見到英文店名"Law of Yogurt"就知道整間店鋪都係以乳酪為主要菜色：有乳酪雪糕﹑希臘乳酪﹑乳酪奶昔，以及不同解渴種類既檸檬特飲。大家都可以留意到每款乳酪都可以有唔同配搭既選項，當你決定好款式後 (例如小編今次就嘗試A款既乳酪雪糕 (即包3款配料+1款醬汁))，就可以將目光轉去中間，由23款配料及4款醬汁中選取自己鍾意既，咁就完成喇! (如果想大約望望配料既外觀既，其實櫃檯附近已經放置好俾大家了解下呢!)
作為第1次享用小滿定律既乳酪，小編就選擇左乳酪雪糕A款：配料 - 芒果﹑焦糖脆脆﹑綠茶糯米糍，而醬汁就選擇左美祿恐龍。 由於係即製既關係，店員響收到訂單後就會默默既唧出乳酪雪糕，並慢慢用夾將所需配件插入雪糕內，令整杯乳酪既設計都滲入左店員既藝術感!
評價一下乳酪雪糕既味道先：乳酪係偏向中性至甜而多過酸既，所以非常容易入口；生果特登放響雪糕下方，應該都係為左方便保溫，同時又可以響食到最後個陣有更加透心涼既感覺 (芒果相對乳酪反而更酸，呢點小編都有少少意想不到)。
焦糖脆脆有5粒左右，食個陣仲係好脆 (唔會因為放耐左而有受潮變軟現象)；而綠茶糯米糍有大約5粒，偏濃綠茶粉令食個陣能夠中和雪糕偏向中性既味道。當兩款配搭雪糕食個陣，響咀嚼上有硬有軟下就更有口感喇!
$48既乳酪雪糕唔算係平，不過考慮到而家市區既乳酪雪糕相若既價錢，乳酪雪糕既質素﹑以及店員努力去製作及設計每杯乳酪，所以入到黎西貢玩既朋友都不妨可以去支持呢間小店，話唔定響悠閒之中都感受到令你有小"小滿"足既定律吧!
(最後都補多張餐單俾大家方便參考先)
张贴
