火鍋撚 (日富里百好大廈) (已結業)

疫情底下閉關咗好耐，終於可以見下朋友，一齊開心打邊爐！今次有朋友揸主意，去咗西環嘅火鍋撚，我知道佢哋有好幾間分店，終於有機會試吓，整體黎講都幾好😎😎環境方面，佢哋嘅座位寬闊，坐得幾舒服，仲幫住一啲懷舊廣東歌，張國榮，張學友，歌神無限loop，成件事好香港😄😄食物方面，選擇非常多，總共有兩版A4紙！除咗比較大腦嘅牛肉，海鮮，手打丸之外，佢哋仲有刺身、滷水食物等等，有選擇困難症嘅人就要小心喇😄😄 由於選擇真係好多，大部份食物都可以選擇一份或者半份，呢一樣嘢真係好抵讚👍🏼👍🏼就算人少少，都可以食多啲唔同種類嘅嘢，就更加滿足啦～～湯底：酸菜白肉鍋超級足料！性價比爆燈！淨係食湯底既菜，白肉，蕃茄同埋薯粉，都已經飽飽地😆😆 一開波我已經食咗兩大碗，飲埋啲湯，酸酸地，非常開胃！火鍋撚御用手切肥牛肉色賣相夠晒靚仔😎牛味濃，肉質口感都唔錯，肥瘦得宜，一啲都唔韌👍🏼四寶餃餃拼盤水餃、雲吞、魚皮餃、韭菜餃有齊晒😋😋我覺得魚皮餃最好食！超大粒，滑嘟嘟但又唔會太油膩👍🏼啲朋友就覺得韭菜餃最正，又係超級大粒，建議要俾多少少時間煮多一陣😌😌新鮮白鱔片有驚喜，魚肉好甜，雖然都有少少骨，但每塊魚片都有少少皮，皮爽脆，啲