一鍋堂 (新都會廣場)

营业中

休息中

今晚去咗葵芳新都會分店，地方好闊落，環境乾淨店員有禮貌👍🏻上菜速度快無漏單。我哋揀左C餐120分鐘任飲任食😋做埋會員仲會送鮑魚同帶子一份，好鮮甜～自助區都已經好多食物取，有熟食、小食、蔬菜、飲品，如炸魚皮、麻辣冷麵…仲有自家製胡椒麵好特別，入口有陣陣胡椒味😋飲品都有幾個大凍櫃取🤩各式各樣紙包飲品、罐裝飲品、自家製飲品，最愛♥️洛神花茶酸酸甜甜好開胃。有成十幾款湯底選擇，我哋揀左咸菜胡椒豬肚湯，濃濃嘅乳白色湯底，已經聞到好香濃嘅胡椒味，入面仲有好多豬肚同咸菜，先飲啖湯暖暖身👍🏻C餐有齊豬牛羊海鮮，包括有🐮日本產黑毛和牛同🐮極尚安格斯牛小排，牛肉色澤好靚，肉質軟滑，我哋主攻食已經好滿足🤩海鮮方面，主攻手切脆鯇魚片口感好爽口，脆骨腩啖啖魚肉，手切白膳片肉質鮮嫩最後食飽飽～當然食個甜品做結尾，呢度有個自助雪糕機，記得食埋先好走😂今日係紅豆麻糬軟雪糕🍦紅豆味好香濃甜度適中👍🏻質感好綿密軟滑。