杜老誌大飯店 (已結業)

灣仔呢區平日比較靜，但食市都可以一樣咁熱鬧。之前嚟過杜老誌大飯店宜家改咗做火鍋餐廳，仲見有新餐牌，今晚同朋友慶生日，選擇火鍋都係唔錯選擇。呢度佈置特別又懷舊，好似有懷舊士多舖咁夾起一包一包懷舊玩具。原來除咗門面嘅裝修，就算連厠所都整到好似部𨋢咁，黑色𨋢製直頭似舊式大廈，確係幾搞鬼。有花生同青瓜作為前菜，飲啤酒一流。調味格尚算豐富，䓤、辣椒、豉油、沙嗲、炸蒜頭、生蒜蓉等。火鍋係散叫形式，叫了幾款，食落都頗新鮮，就係因為新鮮所以灼兩下就會食到鮮味，好似滑牛肉咁，睇落色澤鮮明，灼熟之後夾起嚟睇紋理細密，咬落嫩滑無渣，成嚿幾一碟看似幾貴，但出面其他食店都差唔多，最緊要新鮮物有所值。丸類、餃類都係唔錯，烚下烚下吹下水慶祝一夜，還望朋友繼續飲和食德，越食越開心。