影片
更多
2017-08-15
64 浏览
原味棧，見網上咁多好評，當然要會一會☺說到底也只是單純的【為食】。係openrice寫由黃埔地鐵站出只需行8分鐘，但最後我足足行左20分鐘（我冇走錯路）。雖然路程遠，冇損我興致，放工後寧舍餓。我選擇打邊爐，見好多人讚不絕口。及後我都好想食埋炒小菜😢但肚唔爭氣，冇咁多空位。炒出黎小菜碟碟聞落有如仙氣，鍋氣多到似打邊爐咁🙄建議大家兩樣都可以試下一坐低就見到中式碗碟，好精美，好耐未見過呢種一套碗碟的餐館。茶葉係香片茶😊夠降火今次我就集中講下呢個火焰臺山五味醉鵝。睇相唔太影得出個震撼感，但我望住個員工倒米酒再點火個刻，差啲相都唔記得影😂個陣香味加視覺效果，我喜歡。米酒，唔係一種我特別喜歡嘅調味料。但加落去煮鵝，都係第一次食。外面一向都得雞煲，呢個係鵝味道未必係個個都愛吃，畢竟加上米酒味。如果唔太想酒味咁濃，可以叫員工加多啲水一齊煲，就唔會有一大陣酒味。煲內一早有小豆卜、蔥段、鵝、枝竹、唐生菜，豆卜枝竹吸晒火酒味，係幾香😚食到開始冇咩食材，就可以加水煲滾食海鮮。海鮮拼盤一開始送上時，我未覺得有咩地方值得“嘩”一聲，過左陣，見到蟹腳、蟶子、鮑魚、龍蝦仔都郁郁下好新鮮呀！全部海鮮味道都非常鮮甜多汁，
係openrice寫由黃埔地鐵站出只需行8分鐘，但最後我足足行左20分鐘（我冇走錯路）。雖然路程遠，冇損我興致，放工後寧舍餓。
我選擇打邊爐，見好多人讚不絕口。及後我都好想食埋炒小菜😢但肚唔爭氣，冇咁多空位。炒出黎小菜碟碟聞落有如仙氣，鍋氣多到似打邊爐咁🙄建議大家兩樣都可以試下
一坐低就見到中式碗碟，好精美，好耐未見過呢種一套碗碟的餐館。茶葉係香片茶😊夠降火
今次我就集中講下呢個火焰臺山五味醉鵝。睇相唔太影得出個震撼感，但我望住個員工倒米酒再點火個刻，差啲相都唔記得影😂個陣香味加視覺效果，我喜歡。
4 浏览
0 赞好
0 留言
米酒，唔係一種我特別喜歡嘅調味料。但加落去煮鵝，都係第一次食。外面一向都得雞煲，呢個係鵝
味道未必係個個都愛吃，畢竟加上米酒味。如果唔太想酒味咁濃，可以叫員工加多啲水一齊煲，就唔會有一大陣酒味。
煲內一早有小豆卜、蔥段、鵝、枝竹、唐生菜，豆卜枝竹吸晒火酒味，係幾香😚
火焰鵝鍋
4 浏览
0 赞好
0 留言
食到開始冇咩食材，就可以加水煲滾食海鮮。
海鮮拼盤
2 浏览
0 赞好
0 留言
海鮮拼盤一開始送上時，我未覺得有咩地方值得“嘩”一聲，過左陣，見到蟹腳、蟶子、鮑魚、龍蝦仔都郁郁下好新鮮呀！
全部海鮮味道都非常鮮甜多汁，蝦同龍蝦都有好多蝦膏。金黃油亮的色澤，入口時甘香，蝦肉極具彈性，非一般市面上冷藏貨色可媲。
安格斯牛
3 浏览
0 赞好
0 留言
呢碟係安格斯牛肉片，可見油脂花紋比例均勻。牛味重，油份唔多，厚薄剛好，食落好瘦嘅牛肉。喜愛吃牛的，一定會鍾意食。
其他食材如粟米、小白菜、唐生菜、金菇菜、蕃茄都會有一小籃。之後想繼續食就可以係
【任食紙】上填寫，任食紙會另外有丸物，啱晒我呢啲打邊爐點都會想食幾粒丸的人。
講起丸物😍不得不提係墨魚丸同魚蛋。我認為係自家手造再雪藏，唔係普通街邊貨色。墨魚丸除左粒粒大小不均，而且味道！味道！係我咁大個人食過最好食。
丸質唔粉彈牙，而且墨魚味濃，一咬開😏不得了，麻煩去一去星爺嘅【食神】幻想片。
魚蛋入面唔係白色，而係用真魚肉（街市個種鯪魚肉色）造的。自問以往吃膩外面的魚蛋，但呢粒真。魚蛋係我會想食完再食。
鮮牛肉，係任食紙內填的。大大塊鮮牛，一點都不吝嗇😆牛味亦都好出，諗起出街會叫的鮮牛麵。
🙋♀️麻煩俾個麵底我
概括，講完重要的味道，就講講其他評分位。🤔
（全部以5粒為最高）
服務態度好
-期間一直幫我地收碟，清潔我地食完海鮮殼，教下我地點食火焰鍋等
地方寬敞乾淨
-知我地食火焰鍋，特地俾長少少嘅枱我地坐，可以擺下袋，食得舒服啲
裝潢特別
另一邊有另一幅畫，但因為相片限制未能一一展示。畫風很美，非一般海鮮小炒店會做的裝潢。
食物新鮮有創意
-我好鍾意呢間店保持住傳統個種新猛海鮮風格，丸物自家製，米酒煮鵝鍋。
-任食紙可以選半份或一份，唔怕叫太多食唔晒，眼闊肚窄
*有酒水賣，需年滿18歲*
獅威、藍妹都有
價錢方面，6點半至9點半為$208一位，不設加一。汽水任飲，酒類另計。
後記:客人數量唔少，我七點入座，一邊食一邊有好多人入黎，食小菜定食火鍋一樣多。
张贴
