影片
以上资料只供参考，请与餐厅确认详情
食家推介
招牌菜
$208任饮任食打边炉仲要包一大盘海鲜，个只龙虾系落左单后望住佢系鱼缸度攞出尼，真系新鲜，所以龙虾系最好味，新鲜爽口弹牙，呢个价钱仲要包有啤酒任饮，唔系佢太偏远，我应该会成日同班FD尼食，抵过去旺角。
继续阅读
今晚去开红磡揾朋友，朋友话崇洁街有间海鲜打边炉平靓正，好过去食大财团，今晚就由佢带我去滚!地方宽阔，坐得舒服，门外店内都可以看到生猛游水海鲜，直觉质素应有保证，心情大好!最贵的6:30-9:30时段都只系$208蚊，任饮任食，划一收费。锅底有4个特色锅底选择:麻辣鸡鳝煲，火焰鱼，火焰台山五味醉鸡，同埋龙穿凤。我地拣左龙穿凤，即胡椒海虾鸡窝。呢个锅底超级多料，绝对唔使加味精都好够味!而且胡椒味好浓!我地直头当汤咁饮左几碗。海鲜拼盘好有惊喜，有鲍鱼，龙虾，鲜虾，花蟹，贵妃蚌，蚬同螺，相当新鲜鲜甜，份量唔小!半边龙虾有我手掌咁只手大，佢肌肉相当结实，好感动呀。美国安格斯手切肥牛，色泽鲜红，肉质鲜嫰很有牛味，好大碟，好岩我地呢啲牛魔王。另外有个蔬菜篮。鲩鱼腩肥美嫩滑，啖啖肉冇骨!好正!我地虽然得2个人，但店方没有因此缩减食材份量。反而我地要主动要求份量俾少啲。服务非常好，店员热情有礼会帮我地换骨碟执枱。$208蚊有龙虾新鲜海鲜拼盘且配料任饮任食，实在超值!完全明白点解原味栈会零劣评!很有良心的小店，大力支持!
继续阅读
2017.09.28 😊【新鲜抵食醉鹅海鲜窝】红磡崇洁街 位于红磡、马头围道附近可能是港铁尚未通车关系 人流亦不算太多最近的黄埔站亦要行十几分钟才到其实这条街又名祟洁美食街大大小小的餐厅开满整条街🤗当中不乏特式小店还会设计成日本居酒屋的模样令人流连忘返😍而小妹则被一间海鲜打边炉 吸引著不论是店内的装潢还是食物的质素 亦值得鼓舞火焰台山五味醉鹅 $208 (每位加$30)醉鸡就常见 醉鹅小妹就不曾试过🐔这个套餐标榜著是放题 任饮任食除左主角醉鹅外 另外还附上海鲜拼盆及鲜牛肉、蔬果篮 (任食)、肉食 (任食)超级丰富 可以食到满载而归对于放题这个词语 小妹确是挺抗拒就像动物园的小动物 被大量喂食结果食不到食物本身的味道就知道吃多就值回票价😅虽然小店是标榜任饮任食却给了我很大的惊喜先是主角醉鹅 店员衬著火锅滚的时候洒上酒及点火 使其做成火焰的效果视觉效果十足然而根据我们当天的经验😆这个时候千万不要抢著去试 酒味会太浓建议待鹅都吸收了酒 肉质都吸收会很出色这个时间 海鲜拼盆出场了比我们想像的份量要来得多鲍鱼 虾 桂花蚌 龙虾 蟹 蚬 东风螺等🦐🐚小妹亦要一再强调每一款海鲜真的真的很鲜食过客人都会一赞除此以外 套餐还有一整碟新鲜的牛肉及满满的蔬果篮 蕃茄 粟米 生菜等🥗如果你是个大胃王仲有进食的空间还可以加单 餐食 生根 猪颈肉 鸡件等说到这里 小妹只能说真的真的好饱这里很适合大胃王及识食一族原味栈 💌红磡崇洁街32号地铺Mon-Sat: 1100-1530, 1800-2300Sun: 1800-2300
继续阅读
今晚同班朋友系黄埔果头上完模型堂，终于整完只高达同喷完色。见大家都肚饿就去工作室附近揾食。行行下行黎去祟洁街，记起之前呢度打边炉好抵食又好味，就拉队行左入去反正几条麻甩佬最啱就系打边炉，唔洗烦。因为上次食过佢个鸡煲，所以今餐就食佢个招牌锅底－火焰台山五味醉鹅煲。预期一样超抵食，足足有成只鹅系入面。店员再加左啲烈酒落去，成个煲都酒气冲天香味四溢。充满酒香的鹅肉，咬落惹味十足亦辟去鹅鸭本身嘅膻味。酒精挥发完之后留低醇厚嘅甜味，令汤底嘅层次再升一级。之后系我成晚最钟意的手切肥牛，上次食完已经眼前一亮。因为佢绝唔系一般任食𠮶啲雪藏肥牛。呢度用料非常落本牛肉脂肪分布好均匀而且厚薄适中，食落去成口都系牛肉味，真系无得输！同埋老细唔系俾一碟仔得几块你，而系俾一大碟起码都有成三四十块。净系黎食肥牛都觉得物超所值。海鲜拼盘照样有龙虾有蟹又有鲍鱼。以呢个价钱黎讲又系超值，大大盘得黎而且好新鲜，朋友钟意海鲜真系会比左十个like佢。今次转左少少多左几款贝类海鲜，依然鲜味十足。三点蟹, 虽然唔系大只但都好多肉。新鲜蟹肉嘅结实口感表露无遗。龙虾都系手掌大小嘅本地龙虾，但虾膏十足大大啖啜落去，浓郁香滑真系不得了呀！肉质新鲜弹牙，而鲍鱼算偏细只少少，但都胜在够新鲜同弹牙。最后大家饮饱食醉，大大个健康菜篮只能够清左一大半，但今餐真系好满足，又一次俾呢度嘅性价比完美KO了。
继续阅读
今次到原味栈尝试海鲜火锅放题，$208一位，晚上正价时段由6:30至9:30。火锅汤底有三款，我就拣左龙穿凤，个名好得意！龙穿凤其实即是胡椒海虾鸡窝，套餐包左豪华海鲜拼盘，美国安格斯手切肥牛片仲有时令菜篮。龙穿凤个汤底胡椒味好重，汤底已经有鸡肉同海虾！鸡肉份量十分多！用胡椒汤底令鸡肉好入味，而肉质好嫩滑，海虾新鲜又好大只！肉质弹牙。净系汤底材料份量都好多！食完汤底d料就开始食海鲜啦！海鲜拼盘好丰富！有鲍鱼，龙虾，花蟹，北寄贝，海虾，埾子，螺，蚬，好丰富。所有海鲜都好新鲜！我地将海鲜逐样放入去煮。当中最爱花蟹和鲍鱼，鲜鱼肉质弹牙，花蟹味道鲜甜，而龙虾又好大只而且仲好多膏！第一次用胡椒味汤底煮海鲜，令海鲜味道提升，除左海鲜本身鲜甜味之外，仲令海鲜味道更野味！食完海鲜就食美国安格斯手切肥牛，牛肉味好重，配合胡椒的野味，刚刚好！完全唔使点酱油已经够晒味！套餐仲有个时令菜蓝，有金菇，生菜，冬菇，蕃茄，粟米，全部都好新鲜！食完肉食番d菜好似健康d！d菜用胡椒汤底煮完劲好味！除了套餐包括的主食材之外，仲有其他火锅料是任点，以依个价钱黎讲都算几抵食！
继续阅读