本延鍋物

营业中

休息中

本廷鍋物係一間主打日式涮涮鍋嘅餐廳。裝修風格以日式簡易木系，走進店內都覺得好舒服。假日午市套餐，在11:30-4點供應。以壽喜燒湯底為主。主食有不同級別肉類選擇。套餐仲包括沙律前菜，野菜拼盤，白飯/烏冬。我同朋友揀左2個套餐，本廷極選黑毛和牛和極上黑毛和牛A4，分別都係130g。其實份量都足夠嘅，質素就梗加唔洗講，最適合想經濟實惠咁過下和牛癮。A4和牛係上等級既高品質和牛，具有良好嘅脂肪紋理和口感，肉質鮮嫩多汁。我本身係唔好要上到A5嘅和牛，因為油脂量太大，反而A4就啱啱好。另外要讚下嘅係個醬油湯底，味道夠哂濃，夠甜夠咸。牛肉碌10幾秒已經完成，直接點埋生雞蛋就食，同湯底味道啱啱平衡到，一般來講就唔需要再額外點醬油。配埋白飯食真係好滿足。如果同朋友一齊就可以一個叫飯一個叫烏冬，share食咁樣係最完美。