影片
更多
2025-08-21
185 浏览
喺灣仔想食返餐好啲嘅燒味飯，今次聽同事介紹，試下呢間叫「發達叉燒」嘅舖頭😎我叫咗個招牌 叉燒雙蘭王蛋飯 🍳。碗飯一上枱，賣相唔錯，兩隻蘭王太陽蛋橙紅色，睇見都開胃。主角叉燒切得幾厚身，揀咗半肥瘦，邊位有啲焦香嘅「燶邊」，食落去肥嘅部分有啲入口即化嘅感覺，瘦肉就保持到肉質，唔會韌。蜜汁嘅甜味幾自然，唔會太膩。將隻流心蛋黃拮穿 🥚，蛋汁撈埋豉油同飯，再加一啖叉燒，口感好豐富，味道好夾，幾滿足。👍朋友叫咗個 茅台醬油雞燒鵝飯 🦢。我試咗少少，個醬油雞肉質好滑，雞皮薄身，食落有陣好淡嘅酒香 🍶，幾有特色。燒鵝皮脆，最抵讚係唔會一大啖肥肉，咬落去有鵝油嘅甘香，肉質都嫩滑，唔錯！咁啱坐左係廚房前面見到師傅切鵝，見到有特登切走啲肥肉，好細心！ 老火例湯 🥣，係苦瓜紅蘿蔔豬肉湯。個湯飲落好清甜，有苦瓜嘅甘味，感覺冇乜味精，飲完成個人幾舒服。另外加多碟 鵝汁西蘭花苗 🥦，菜苗夠嫩，加埋鵝汁食好香口。燒味水準唔錯，用料都好有誠意。叉燒同燒鵝都值得一試，連個湯同菜都唔馬虎。如·果喺灣仔想食返餐好少少嘅燒味飯，呢間係個唔錯嘅選擇。💯
喺灣仔想食返餐好啲嘅燒味飯，今次聽同事介紹，試下呢間叫「發達叉燒」嘅舖頭😎
我叫咗個招牌 叉燒雙蘭王蛋飯 🍳。碗飯一上枱，賣相唔錯，兩隻蘭王太陽蛋橙紅色，睇見都開胃。主角叉燒切得幾厚身，揀咗半肥瘦，邊位有啲焦香嘅「燶邊」，食落去肥嘅部分有啲入口即化嘅感覺，瘦肉就保持到肉質，唔會韌。蜜汁嘅甜味幾自然，唔會太膩。將隻流心蛋黃拮穿 🥚，蛋汁撈埋豉油同飯，再加一啖叉燒，口感好豐富，味道好夾，幾滿足。👍
朋友叫咗個 茅台醬油雞燒鵝飯 🦢。我試咗少少，個醬油雞肉質好滑，雞皮薄身，食落有陣好淡嘅酒香 🍶，幾有特色。燒鵝皮脆，最抵讚係唔會一大啖肥肉，咬落去有鵝油嘅甘香，肉質都嫩滑，唔錯！咁啱坐左係廚房前面見到師傅切鵝，見到有特登切走啲肥肉，好細心！
老火例湯 🥣，係苦瓜紅蘿蔔豬肉湯。個湯飲落好清甜，有苦瓜嘅甘味，感覺冇乜味精，飲完成個人幾舒服。另外加多碟 鵝汁西蘭花苗 🥦，菜苗夠嫩，加埋鵝汁食好香口。
燒味水準唔錯，用料都好有誠意。叉燒同燒鵝都值得一試，連個湯同菜都唔馬虎。如·果喺灣仔想食返餐好少少嘅燒味飯，呢間係個唔錯嘅選擇。💯
张贴
