國穗軒

营业中

休息中

灣仔合和中心有間中菜都幾抵食！晚餐有$188起超值孖寶🫶🏻仲有$388澳龍加半隻燒雞孖寶🦞🐔環境同食物質素都唔錯 啱晒帶屋企人嚟食👏🏻我叫咗個燒鵝配梅菜蒸菜心孖寶 $188，燒鵝十分出色，皮脆肉嫩，又香又脆又多汁，唔會太肥膩，點酸梅醬食唔停口。梅菜蒸菜心好靚仔，菜心綠油油得嚟好腍，梅菜唔會好咸，味道剛剛好。仲食咗椒鹽鮮魷伴雜果沙律 $138，脆卜卜好夠味，加枝啤酒勁爽！最後食埋個甜品，有酒樓經典嘅心形芒果布甸，好香芒果味，同杏仁蛋白，足料又潤肺。