國穗軒

营业中

休息中

灣仔合和中心有間中菜都幾抵食！晚餐有$188起超值孖寶🫶🏻仲有$388澳龍加半隻燒雞孖寶🦞🐔環境同食物質素都唔錯 啱晒帶屋企人嚟食👏🏻我叫咗個燒鵝配梅菜蒸菜心孖寶 $188，燒鵝十分出色，皮脆肉嫩，又香又脆又多汁，唔會太肥膩，點酸梅醬食唔停口。梅菜蒸菜心好靚仔，菜心綠油油得嚟好腍，梅菜唔會好咸，味道剛剛好。仲食咗椒鹽鮮魷伴雜果沙律 $138，脆卜卜好夠味，加枝啤酒勁爽！最後食埋個甜品，有酒樓經典嘅心形芒果布甸，好香芒果味，同杏仁蛋白，足料又潤肺。

我最近去咗灣仔國穗軒，主要係因為見到佢哋一周年有慶祝特價孖寶同晚市套餐，由$188 起有海鮮及燒味或小菜。餐廳裝修高貴寬敞，坐得舒服，招呼殷勤。朋友話佢海鮮新鮮，見到優惠忍唔住就約埋一齊試試。我哋嗌咗個海鮮孖寶A，$238真係抵到爛！清蒸沙巴斑仔啖啖肉，魚皮滑唔腥，蒸得啱啱好，連淡淡的蔥油香都滲入魚肉，配埋燒腩仔，外皮香脆，肥瘦分明，唔會死咸。再單點伴菜水荷芹炒鮮淮山，爽滑無渣，簡單健康。而甜品亦好抵食，只需$12起蛋白杏仁茶滑溜唔會太甜，香濃有杏仁味；宮廷桂花糕，淡淡桂花香，唔會太甜膩。

朋友呢晚帶咗我嚟呢間喺灣仔嘅中菜餐廳食晚餐🤣海鮮孖寶 $238「清蒸沙巴斑仔（約1斤）配 蜜汁叉燒/燒腩仔（小食）」🤣揀咗「燒腩仔」：外皮燒到脆脆哋，燒腩仔脂肪含量極充足，燒得香口好豬味🤣「清蒸沙巴斑仔」：沙巴斑仔夠新鮮，肉質鮮甜，蒸到啱啱熟，所以魚肉食落亦都比較嫩滑🤣$128「蝦乾浸勝瓜」：勝瓜超級新鮮，口感爽滑，加埋味道濃郁嘅蝦乾一齊蒸，咁味道層次又提高啲啲🤣$60「紅燒B鴿」：BB鴿細細隻，燒到外皮脆脆哋顏色紅卜卜，肉質就幾軟熟，香口好食🤣$16「白飯」：要咗啲蒸魚嘅豉油嚟撈白飯食，好正🤣食完之後，酒樓仲送糖水，揀咗紅豆沙同埋綠豆沙，唔係好甜，都好味🤣

今天晚上，我約了老友，去到 灣仔合和中心7樓國穗軒（灣仔） 晚飯。晚飯孖寶(片皮鴨) $298我和朋友享用了美味的晚餐。我們點了招牌的片皮鴨。這道菜色香味俱全，鴨皮酥脆，加上多種來的配菜， 口中的味蕾也在跳舞。搭配油鹽水的菜心，口感相得益彰。海蜇青瓜 $55除了片皮鴨，我們還點了海蜇青瓜，清爽的口味讓人耳目一新。五香牛展(小食) $60最後，我們還加點了五香牛展作為小食，這道五香味十足的牛肉讓我們滿足。整體餐費為445元，加上 服務費後，最終埋單為490元。這頓晚餐，不僅讓我們享受了美味的食物，還增進了彼此的情誼，真是一次愉快的用餐體驗！

過來新開的合和商場行街，找點好的酒樓吃晚餐，於是來了合和中心的國穗軒，原來晚市有很多優惠套餐。這次我們點了開心孖寶套餐，有燒雞一隻及上湯焗西澳龍蝦（烏冬底）。我們另外點了奶皇流沙包及蛋白杏仁茶，搭配出色，充分展現食材原味，是不容錯過的美味選擇！燒雞醃製得宜，皮脆肉嫩，外皮金黃酥脆，肉質保持多汁，每一口都能感受到滲透的醬汁，能提升風味，讓人欲罷不能。上湯焗西澳龍蝦的肉質甘甜，搭配濃郁的上湯，焗至入味。底部的烏冬吸收了龍蝦的鮮味，整體口感豐富，視覺吸引又味道驚艷，龍蝦的鮮甜與湯底的香濃形成完美平衡。奶皇流沙包外皮柔軟，內餡香滑，咬下時奶皇醬瞬間流出，甜而不膩，令人陶醉。這道甜品在口感和味道上都恰如其分，是完美的餐後選擇。至於蛋白杏仁茶清新可口，杏仁香氣撲鼻，搭配蛋白的細膩口感，既消暑又滋潤。國穗軒 (灣仔)地址：灣仔皇后大道東183號合和中心7樓701號舖

女女放暑假，我又得閒，就同她出街行下搵下野食😍灣仔國穗軒個場幾大，座位多，店員都幾有禮貌同勤快。💗💕🫖🍵茶位 每位16元🥢竹笙鼎湖上素128元食下蔬菜健康d,材料有竹笙，木耳，紅蘿蔔絲，芽菜，菜心及唔同嘅菇。🥢拔絲新鮮咕嚕肉138元新鮮菠蘿好甜，咕嚕肉大舊又脆口，酸酸甜甜。🥢乾燒伊麵128元好大碟，炆得好香，集醬香、麵香、菇香和韮黃香於一身。🥭甜品叫咗芒果布甸，部長仲送咗個紅豆沙俾我哋，nice😍🥰灣仔皇后大道東183號合和中心7樓701號舖

🫢🫢有冇諗過響合和食到$388龍蝦燒雞孖寶？🫶🏻$388開心孖寶呢個combination真係好吸引 諗都冇諗即刻叫❣️脆皮吊燒雞雞皮燒到勁香口 食落卜卜脆好薄身雞皮底下嘅脂肪已經燒晒出嚟食落唔會有一層厚厚嘅肥膏雞肉醃到好入味 食落有鹹香 仲保留住肉汁 就算係雞胸位都好滑溜 一啲都唔柴❣️上湯焗西澳龍蝦配烏冬好欣賞佢棄用傳統嘅伊麵 用烏冬代替感覺更加健康 稻庭烏冬入口彈牙亦非常掛汁上湯充滿着蒜蓉嘅香味 濃稠到剛好 唔會膩龍蝦大大隻 肉質鮮甜 爽口彈牙 勁滿足另外點嘅～❣️海皇什菜煲有珊瑚蚌、斑片、大蝦、鮮魷、帶子海鮮份量超級足料 湯底亦有濃厚嘅鮮味雜菜有西蘭花、小棠菜、白菜仔、菜心啱晒鍾意食菜嘅我呢度嘅店員服務好殷勤 更換碟好頻密枱與枱中間都有空間感 唔會好侷促當然最正就係個地點 勁近地鐵站 約朋友食飯勁方便

國穗軒😘😘😘豪華版小菜灣仔合和中心、豪食酒家小菜、明亮燈光、環境寬敞、家庭聚會、生日飲宴、可以預約房間、食得開心更歡暢！✨海蜇青瓜開胃小食、青瓜清爽可口、鲜脆爽嫩、海蜇微咸中带着海味、彈牙有嚼口、令人開胃。✨片皮鴨二食稱烤鴨、是著名北京菜、片皮鴨精髓在於烤製後將鴨皮和鴨肉分開、呈現出皮脆肉嫩口感、鴨片薄如紙、帶有肉、用薄薄軟綿綿餅皮、甜麵醬、青瓜絲、蘿蔔絲、紅椒絲、酸菜絲、京蔥𢇁、酸薑片等等、包卷著食、口感豐富、一試難忘🤩-麽麽（ 一打）、包卷片皮鴨肉的薄餅、材料、面粉、水、食用油搓混和、蒸透👍🏻-醬爆西芹炒鴨絲鴨肉折絲、西芹切段、青脆爽口、鴨絲鮮香、搭配蒜蓉和酱油翻炒、味道濃郁、口感層次分明、滋味又惹味🤩-鐵觀音茶、茶香濃郁、清新回甘、滋味醇厚、令人心曠神怡！國穗軒灣仔皇后大道東183號合和中心7樓701號舖港鐵灣仔站B出口

今晚喺灣仔買完嘢，突然心血來潮好想食龍蝦伊麵。見近近地合和中心有一間中菜廳國穗軒，就去左食喇。我哋兩個人七點左右嚟到差唔多已經滿座。一坐低就叫咗半隻脆皮吊燒雞同主角上湯焗西澳龍蝦伊麵。上湯焗西澳龍蝦伊麵（$368）：龍蝦好好肉。煮嘅時間控制得宜。肉質彈牙。淨係計啖啖肉嘅龍蝦肉粒都有差唔多成十粒，真係好滿足。伊麵吸收晒上湯嘅味道，好味呀。脆皮吊燒雞（$38）：餐廳慶祝回歸，有短期優惠，$38就有半隻燒雞。沒有將貨就價。燒雞皮脆，肉嫩多汁。非常抵食。芒果布甸（$20): 喺酒樓食晚飯就係習慣叫返個花奶芒果布甸作結。布甸震揗揗咁，而是兒時回憶返晒嚟特別想讚嘅係，職員好勤快咁樣幫我哋換骨碟換咗好多次，又俾咗好多張濕紙巾俾我哋抹手，非常貼心

今晚我同太太去咗灣仔嘅國穗軒食飯。呢間餐廳位於皇后大道東183號合和中心7樓701號舖，環境優雅，真係幾舒服。我點咗一壺鐵觀音中國茶，茶香四溢，令人心情愉快。主菜方面，我選咗大龍躉兩味，分別係碧綠炒球同蒜蓉蒸頭腩，味道鮮美，魚肉鮮嫩，真係唔錯！仲有半隻燒雞，皮脆肉嫩，食到令人忍唔住多食一碗絲苗白飯，幾好味。甜品方面，我選咗奶黃千層糕，層層分明，奶香濃郁，實在係完美嘅結尾。呢度嘅出品同服務都係頂呱呱，真係值得推薦！#國穗軒 #灣仔皇后大道東183號合和中心7樓701號舖

可能有十年未有去合和中心了！实然想起和朋友去过这飲茶，今天去了！才知道已经改朝换代变成国穗軒！看到装修环境，还以為价格没有优势，不過既來之，则安之，还是试试吧！赞由知客到送点心的服务员礼貌都很好好，食物价格非常合理，枱与枱之间隔距足够，不会受鄰枱声浪影响，装修环境优美！在湾仔区有這种質素的酒楼暂未有發现，泊车也方便，下次必定再约朋友一起去支持一下！还有煲仔饭的排骨非常新鲜，一看就知道不是那种又嚡又硬的冰箱货

當日我去食飲茶喺國穗軒，點咗幾款菜式，包括燒賣、蝦餃、黃金糕、燒腩仔、牛肉球、金錢肚同流沙奶皇包。燒賣外皮薄脆，內餡鮮嫩多汁，豬肉同蝦肉嘅組合令味道更加豐富。蝦餃皮薄餡多，鮮蝦爽口。黃金糕外皮酥脆，內裡香甜鬆軟；燒腩仔肉質鮮嫩，帶燒烤香氣；牛肉球口感嫩滑多汁；金錢肚質地軟嫩，滋味豐富；流沙奶皇包外皮鬆軟，內餡流心奶黃，香甜可口。這些菜式各有特色，帶來不同口感與風味，絕對是令人回味的美食體驗。如果你鍾意食點心，國穗軒嘅飲茶菜式絕對值得一試，保證滿足你對美食的追求！

做冬食圍餐晩餐一圍，7點開席，7點10分上已經上完2個餸。已經同經理反映，但係一切照舊。7點30分上埋餐尾糯米飯（有圖有真相）😎😌效率✈️✈️快過食茶記👏💢喜歡快速食嘅朋友先好嚟試呀

今日老闆請食飯，大佬佢就話喺合和中心7樓有間新開嘅酒樓叫做國穗軒，我哋book咗午餐七位。我同另外兩位同事去攞位，另外就叫咗啲點心同埋一個炒麵。點心叫咗:蟹籽燒賣王，金銀蒜蒸排骨，XO醬蒸鳳爪，醬黃金錢肚，南乳炆豬手百花釀魚肚，黑松露鮮蝦帶子餃，黑松露鹹水角，黑魚子炸芋角，蒜香鮮蝦春卷，沙律明蝦角，黃金鮮奶卷，日式和風脆皮腸，春風得意腸。小食叫咗皮蛋酸薑，一口脆皮豆腐甘薯蜜汁一口牛，另外仲叫咗咕嚕肉煎脆麵°總括嚟講傳統點心比較失色，最突出嘅係黑松露鮮蝦帶子餃，賣相精緻，帶子新鮮，鮮蝦好大粒。另外咕嚕肉煎脆麵，咕嚕肉外脆內軟麵煎得香脆唔油，一口豆腐比較失色，淡已無味不夠熱度，金薯蜜汁一口牛幾好味，可惜牛得幾粒，薯仔甚多😂酸薑皮蛋皮蛋係糖心皮蛋非常好味，日式和風脆皮腸和春風得意腸賣相一般味道一般，自從傳統點心鳳爪豬手，唔夠入味，排骨一般°但埋單又唔係好貴，叫咗咁多嘢食，總括嚟講，食物味道可以，有機會會再來🙂‍↔️

星期六2點半到，要等一陣先有位，因為有下午茶時段好受歡迎。餐廳唔夠木枱，我地3個人要坐自動麻雀枱，枱身好厚好頂腳，不過太滿座無得換枱。茶具餐具都新淨，人手都足夠，但上菜偏慢。食物夠熱，味道不過不失。店員未熟悉枱號，見隔離枱有上錯餸嘅情況。我地一入坐就叫炒麵，點知漏單，問店員情況，佢即刻補單，但其實我地想取消，未問清楚就自把自為，態度欠佳。送腸粉姐姐無豉油提供，佢話人地收咗佢支豉油，我地食咗半碟才補上。問過店員，原來剛開業2個月。叫咗菜苗餃，落單後店員話賣曬，我地話ok無問題，但埋單時照收菜苗餃價錢。大家要記得對單。另外影咗啲午市時段餐牌