彩羽壽司

营业中

休息中

今次同朋友殺入灣仔「彩羽」，試咗個超抵食$500有找嘅Omakase同加左個A4和牛紙火鍋，食物質素同份量都合理。😍 店員仲話個優惠中午12-2點有95折，下晝2-4點仲有85折，抵上加抵~🍣 Omakase部分：頭盤柚子醋沙律幾開胃，茶碗蒸滑嫩，入面有螢光魷魚同秋葵，增加層次同鮮味。刺身四款中，特別係個鮟鱇魚乾泡芙，脆脆地又帶魚香，好過癮！而真鯛魚同大分縣生蠔都新鮮，煙燻津魚有得睇~ 又有得食~ 味道算幾特別！壽司8件水準穩定。魷魚壽司上面嘅竹蟹鹽帶出另類鮮味！瀨尿蝦同池魚都處理得唔錯。赤身同拖羅油脂適中，入口即溶。而海膽都夠晒鮮甜。升級嘅彩羽太卷材料豐富，卷入面有最正有勁大粒蛋黃。初頭仲以為係提燈~ 另外介有吞拿魚、海膽、等，食材豐富，好滿足！❄️ 甜品(升級)蜜瓜味雪花刨冰真係勁吸睛！師傅用傳統手動刨冰機即場製作，冰質細膩。蜜瓜自然清甜，煉奶唔會太甜，整體配搭平衡~ 覺得下次再黎都一定要食🥩 和牛紙火鍋：牛肉質素唔錯，油花分布平均，紙火鍋煮完啲肉仲keep住嫩滑。壽喜燒汁調味適中。最正係跟埋日本生蛋，點完和牛更加滑溜。配埋豆腐、冬菇等，食完真係飽到上心口！