提前訂位有九折，即係免加一！
我叫咗個五花腩紅米飯，唔錯喎！啲肉唔會全部係肥膏 （啱晒想keep fit但又想食好西嘅人😂）不過啲飯有啲硬，唔知係咪落唔夠水😅不過都接受到。
同行嘅同事叫咗鮑魚炒飯，味道唔錯，仲有隻大鮑魚，啲飯粒粒分明，不過一樣係好硬。
另外嗰位同事叫咗清湯牛腩，清清地唔錯。
值得欣賞係個老火湯，嗰日係飲西洋菜湯，唔會係味精湯，大大碗咁幾好飲。
美中不足係個「前菜兩款」…簡直係失望，建議不如唔使寫喺個Menu度，冇期待就冇失望😊
另外如果包一杯免費飲品就會係完美嘅句號😊
整體嚟講都係值得一試嘅好餐廳😋
83
