陳家廚房

兩個月前同同事嚟到呢度食晏，當時下午茶主題係芒果主題，時間過兩個月後，主題轉咗變咗茶味Twinings主題，今日難得星期日抽時間同媽咪嚟呢度撐枱腳❣️中西合璧下午茶都算係第一次品嚐，東方鹹點有四款，西方甜點有五款，再配英式鬆餅及主題茶飲！環境同之前食午餐一樣依然一流，不過下午茶就少人啲。星期六日假期惠顧《午後茶語下午茶》仲有兩杯氣泡酒送添🍾🥢東方鹹點熱辣辣好好食：▪️一小籠蝦餃燒賣（精緻得嚟又大大粒喎）▪️避風塘黃金粟米磚（咬落大粒粟米🌽，味道幾好）▪️紫菜花枝丸（香脆紫菜配搭新鮮彈牙花枝丸）▪️茶漬魚子醬溏心蛋（茶漬溏心蛋好新穎啊，配搭魚子醬好奢華😍）🧁西方甜點有甜有咸又有酸，刺激味蕾：▫️川寧大吉嶺紅茶栗子脆筒（有原粒栗子肉，比較甜）▫️川寧仕女伯爵紅茶可可慕斯(好靚的朱古力慕斯蛋糕）▫️川寧洋甘菊茶桂花芝士蛋糕（花味都幾香，仲帶少少咸味）▫️川寧茉莉花茶靑蘋果奶凍（呢杯奶凍的青蘋果食落少酸，食完甜嘢之後瞬間解膩！）▫️烏龍茶白桃拿破崙（酥皮非常好食，內涵嘅烏龍茶cream及白桃肉食落唔太甜，而且好大件🤭）🇬🇧 傳統英式鬆餅［川寧伯爵茶及原味］配奶油忌廉•士多啤梨果醬（英式鬆餅都做得好靚）成個下午茶餐食完之後飽飽。甜品比平時啲下午茶大件，茶飲可選擇咖啡奶茶朱古力，既然呢個下午茶同Twinings做Crossover，當然揀番熱飯茶先符合主題🤭小妹媽揀咗玫瑰果洛神花、小妹則揀了煥光養顏茶（士多啤梨青瓜綠茶），一人一大壺絕對夠飲丫！整體來講，陳家廚房位置在酒店地庫，食下午茶時無風景欣賞，但可以專注地同朋友傾訴心事，分享日常，下午茶的份量比想像中多，以下午茶甜品來說已算不錯，唔知佢點芒果主題下年暑假會唔會重新再出呢🤔如果有就會好想去再食多次❣️…查看更多

繼續出差食好嘢系列，依然在灣仔工作的小妹，對上一篇介紹早餐食大雞食堂，某天在工作地點食過外賣後，決定落街散步，就在啱啱行咗一個圈，準備番上樓前，發現附近間酒店的地庫好似唔同咗！立即上網search吓到底係咩餐廳啦，原來係《陳家廚房》，再望多幾眼得知仲有午餐供應添🤭小妹就將呢個好消息分享比同組同事，襯第日Happy Friday就嚟返餐Happy Lunch 🫰🏻根據過往經驗，在灣仔商業區食呢類型餐廳，一定要訂位㗎，今次也不例外🤭入座後被安排在梳化卡位，《陳家廚房》因為屬於酒店範圍內，定價都算合理，平均$108至$158不等，每份午餐都附前菜及老火靚湯，仲可以加$15的升級為養生燉湯添🤤最感到驚喜在於餐點份量是多，係一間CP值頗高的中菜餐廳😍，加上餐牌紙質非常有誠意地用珠光咭紙，閃令令奢華享受🤣今次小妹依舊一行三人，每人各點一份午餐：▫️精美前菜：花生🥜配麻醬茄子▫️養生燉湯：椰子烏雞湯好大盅又濃郁的燉湯，真材實料！午餐只需加$15就可以升級，真係非常抵飲！🐟Set D：鹹魚雞粒炒飯配蠔皇鮑魚 $128即叫即炒的炒飯，充滿鑊氣粒粒香米，男組員大讚「一流」，蠔皇鮑魚比我哋想像中大粒吖，直頭似去飲宴要用刀叉切開果個size😍（可能講得誇張咗，但真係幾大件㗎🤣）🍓Set E：惹味士多啤梨骨配紅米飯 $138利用黑色西式用碟，放上用濃稠士多啤梨醬煮的排骨，聞落超香又可以打卡又如同個名一樣咁惹味🤤🤤配上較為健康的紅米飯，份量完美無瑕😆🧑🏻‍🍳Set H：龍哥話事（廚師發辦） $158食個午餐都有得「餓媽家姐」，呢個餐比較特別，價錢已包括主食、小食、養生燉湯，仲有水果或甜品😚因此吸引到小妹揀佢！小食係黃金魚皮（熱辣辣嘅鹹蛋包裹脆卜卜嘅魚皮）而當日的「餓媽家姐」主食居然係《蠔皇鮑魚東坡肉》🙀天阿，不論肉眼上還是感覺上都係好高級嘅料理！小妹好少食東坡肉，但醬汁甜甜地，肉質軟腍，配碗白飯一齊食剛好，鮑魚依然唔細粒😊差啲唔記得，甜品係椰汁紅豆糕兩件，正常發揮🫰🏻整體來講，呢度裝修設計係歐美風格，卻係中菜餐廳，以呢類型餐廳來講，性價比幾高，《陳家》除咗午餐出色，原來仲有Afternoon Tea Set供應😳有朝一日要嚟享受生活，在呢個美麗嘅環境食下午茶！比較可惜的一面係，電話網絡收得唔太好，希望到時候會有WiFi供應啦～…查看更多

因為係附近做野，難得有朋友黎就同朋友試d靚餐廳！食過好幾次之後，覺得好食程度令我平時唔寫食評都要寫一次！佢每個月都會更新menu，最近10月出左度賽磅蟹，賣相已經吸精，配搭係會令你有唔同既味覺享受，做到絲絲分明，有咬口，真係好似食哂成隻蟹既感覺，加上搭配個米通，豆同鹹蛋黃，真係會令你發光！另外朋友嗌左個海遇山，牛肉多汁加上蝦既鮮甜美味，又係會令你想再食！佢仲有個隨緣餐，係每次都唔同，不過今次嗌左呢兩款，之後有機會再試下！呢到既service都非常好，特別係女經理，招呼周到同埋會主動幫手影相，又會介紹食物個食法，令你會種不同凡響既待遇咁！見餐廳d蛋糕吸引，最近同事生日，買左個拿破崙蛋糕食，賣相得體，蜜桃烏龍味成個配搭係好match，口感豐富，完美！以酒店入面既餐廳黎講，性價比好高，每道菜都係百幾蚊，值得一試！…查看更多

我們星期五晚到陳家廚房慶祝爸爸的壽宴，真是久違了的一次超凡體驗。筆者食評的我也忍不住寫一下後感，我們點了盛宴三，經理幫我安排了套房，套房感覺非常高雅，而且還配有獨立洗手間。真是讚。經理事前也非常細心問我們餐單有什麼需要改動有否食物敏感。我們點的餐食物味道非常好，份量也很足，海鮮非常新鮮，調味十分和，我們對味道非常滿意。兩位服務員，服務也非常到位，非常友善，全晚總掛着笑容，讓我們很享受。總括而言是非常滿意的晚上。一定會再來，亦都會非常樂意加力推薦別人。是10星評價。 …查看更多

今日小兒要到伊利莎伯體育館參加國慶啟動禮表演，中午先帶他在附近食好西，為他打打氣希望有個美好的一天。早前留意到利景酒店地庫的陳家廚房，中午套餐的菜色很吸引，於是預約了12點試一試。進入餐廳時，服務員引領我們到優美的大圓梳化餐桌坐下，深深感受到現場氣氛。餐前小食是枝豆，廚師有悉心調味主菜是素鮑魚海參，賣相非常吸引，配紅米飯亦增添幾分健康感。海遇。山 — 這款菜色牛肉的份量豐富，汁料美味，虎蝦亦炸得很鮮嫩而不油膩。黃金豆腐，大粒兼脆口，熱烘烘。真心推介，下次要再來嘗嘗鮑魚和其他菜色。…查看更多

👧🏻😋👅🍽✨TWININGS主題酒店下午茶🥰-🫖陳家廚房Afternoon tea set又有新主題，夥拍TWININGS 提供「午後茶語二人下午茶」🫖 Set for Two 鹹甜美點共10款，6款甜品都以川寧茶入饌，餐飲亦可以揀川寧經典茶/草本健康茶🍵 ▪️ THE EAST 🌽 避風塘黃金粟米磚：粟米以香辣避風塘點綴更顯清甜🦑 紫菜花枝丸：雪白彈牙有花枝粒，外面再包上脆脆紫菜，內外都咁鹹鮮🥢 籠仔點心皇：有蝦餃同燒賣大大粒好飽滿🥚 茶漬溏心蛋▫️ THE WEST🍑 烏龍茶白桃拿破崙：酥皮超酥脆！茶味cream好軟滑，亦令白桃同吉士食落冇咁甜🍫 川寧仕女伯爵紅茶可可慕斯：伯爵茶味清香，可可mousse好香濃甜度剛好超好食🤤🥯 傳統英式鬆餅：有原味同伯爵茶味，質地鬆軟塗上cream配返杯熱茶真perfect 🌰 川寧大吉嶺紅茶栗子脆筒🍏 川寧茉莉花茶青蘋果奶凍🌼 川寧洋甘菊茶桂花芝士蛋糕▪️草本健康茶💤 放鬆安睡茶：香草蘋果花茶有西番蓮，有助放鬆入睡😋 消化茶：蘋果薄荷花茶有助促進消化及腸道健康供應時間 🕰️ 星期一至六1430-1730、星期日1200-1600價錢 💰 平日$438兩位、假日$488兩位贈送Prosecco兩杯…查看更多

我好少寫食評，今次真係忍唔到手寫一寫，其實今次唔係我第一次食呢間陳家廚房嘅生日蛋糕，之前試過佢地一個藍莓蛋糕，已經覺得好好食，不過以前冇留食評，不過再食真係覺得好好味，朋友好鍾意食芝士蛋糕，而且佢有開心果味，佢都好鍾意，超重開心果味！同Friend一齊慶祝生日，呢個蛋糕絕對係MVP！佢哋食完都個個讚口不絕，一入口就係超濃郁嘅開心果香，芝士層又滑又creamy，完全唔會膩，口感層次好豐富！甜度剛剛好，連唔太鍾意甜嘢嘅朋友都搶住食多件。 個蛋糕仲要靚到唔捨得切，有啲花，影相一流！成班人一路食一路大讚，仲話下次生日一定要encore～ 多謝你哋整咗個咁完美嘅蛋糕，等我哋嘅生日會更加開心！絕對會再幫襯！ 建議蛋糕宣傳可以做多一點餐牌都可以換下款 要不是朋友介紹，我也不知道原來有蛋糕賣 。…查看更多

因為係而邊見完客，11點幾咁就睇下食咩好啦。 經過酒店門口見到有餐廳，諗住岩岩月頭出左糧獎勵下自己食餐好D，就食個酒店午餐啦。一入大堂就問Staff 餐廳係幾樓，點知佢話係地庫一樓，可以搭𨋢或者唔想等𨋢就可以行樓梯。條樓梯係正𨋢隔離，咁我就行樓梯算。一去到，見到間餐廳我O左，佢叫陳家廚房仲諗住係好似酒樓個D setting啦， 點知都幾打卡ableD staff 既服務都好好，一見到我就問我有無訂位，我話無。佢就同我講下次可以打黎book位，因為打黎book lunch有9折。 本身佢比我坐中間既sofa位，但我係I 人，我唔想坐到咁特出，咁就問下唔可以坐最入，佢就assign 左我坐最入! (I 人中意自閉既角落)佢都算多選擇，平時酒店D set lunch 都係得4個左右，佢而度有8個。 佢個安格斯牛肉都好吸引，但係我又想試下士多啤梨骨。最後我都係簡左士多啤梨骨因為出面好少見。跟住staff 比左個前菜同湯我，個凍豆腐好好食，好岩而家咁熱既天氣 花生就無咩特別，都係正常野。 個湯係椰子雞湯，個湯飲得出無味精，好清香既椰子味!!跟住士多啤梨骨出場，staff一送上黎，我嘩左聲 本身我係expect 左佢就咁一隻碟放D肉上去就算。 點知佢有present ! 仲要畫埋碟 而下真係大癲! 一見到碟野嘩完就我諗左陣 大佬你咁多醬又咁多士多啤梨 一係就勁甜， 一係就勁酸，咁點搞咁我就好疑惑咁放一舊入口啦，我諗住佢太甜或者太酸的話我叫佢比杯水我洗一洗就算。點知有驚喜! 佢個甜酸度捉得好好! 個皮咬落去仲有脆脆地，個汁勁好味! 真係好惹味，佢無改錯名而個士多啤梨骨真係震驚左我味覺!! 最後埋單，staff 話我12:45pm 前離座同埋單有25% discount 。睇黎，而度係我既新飯堂，約客係度食飯都好得體。話晒都係酒店餐廳!!…查看更多

最近與家人一同享用了一頓非常特別的中式鹹點與西式甜品結合的下午茶，整體體驗讓人感到驚喜又滿足。餐廳環境優雅舒適，座位間距寬敞，非常適合一家大小前往。餐點設計獨具匠心，中式鹹點熱辣辣好新鮮，味道傳統，而西式甜品甜而不膩，口感層次豐富特別值得一提的是，餐廳考慮到長者的需求，部分鹹點的味道調得清淡且容易入口，讓同行的老人家都大讚貼心。此外，甜品的擺盤精緻，色香味俱全，孩子們亦吃得津津有味。服務方面，店員態度親切，對我們的需求回應迅速，讓整個用餐過程更加愉快。這次下午茶體驗不但讓家人之間多了互動，也滿足了不同年齡層的口味需求，絕對值得推薦！…查看更多

之前食過幾次lunch，由初初唔多人，到後期要book先有位。其實係灣仔算係唔錯的抵食及好食的選擇，所以多人都唔難理解。不過今次我唔係想講佢的lunch，而係想講High Tea。因為時間及地區啱，所以去試佢個下午茶，個Tea set四百幾蚊兩位，有鹹甜點及鬆餅，coffee/ tea，還有杯氣酒。佢啲鹹點與一般酒店的西式high tea有些唔同，係中式點心為主，共有6件，雖然唔係啲咩好貴價野食，但味道都唔錯。甜點方面賣相都靚，鬆餅有微溫，整體都好食，唔會好甜。環境舒服，聊天好地方。可能餐廳坐位不多，星期日都好full。侍應都好有禮貌，但感覺人手不足，她們全程都好忙。…查看更多

同事介紹話好好食 當然要去試吓～提前訂位有九折，即係免加一！我叫咗個五花腩紅米飯，唔錯喎！啲肉唔會全部係肥膏 （啱晒想keep fit但又想食好西嘅人😂）不過啲飯有啲硬，唔知係咪落唔夠水😅不過都接受到。同行嘅同事叫咗鮑魚炒飯，味道唔錯，仲有隻大鮑魚，啲飯粒粒分明，不過一樣係好硬。另外嗰位同事叫咗清湯牛腩，清清地唔錯。值得欣賞係個老火湯，嗰日係飲西洋菜湯，唔會係味精湯，大大碗咁幾好飲。美中不足係個「前菜兩款」…簡直係失望，建議不如唔使寫喺個Menu度，冇期待就冇失望😊 另外如果包一杯免費飲品就會係完美嘅句號😊整體嚟講都係值得一試嘅好餐廳😋…查看更多

假期與閨蜜去左呢度high tea🌻春日柑橘下午茶，特別在中西鹹甜美點都各佔一半，唔會只有甜品，好特別！餐點包括：.🍱鹹點金絲炸芋角酥炸鯪魚球花雕醉鮑魚養顏濃湯花膠凍茶燻蛋伴魚子醬紅糖糍粑.🍰甜點柑橘法式焦糖燉蛋香橙朱古力千層酥熱情果芝士蛋糕檸啡意式芝士蛋糕莫吉托雞尾酒果撻香橙雜果乾傳統英式鬆餅配柑橘果醬及奶油忌廉.每人包一杯飲品，可揀茶或啡，講緊係果茶/早餐茶，或是不同口味的咖啡，仲有朱古力同美碌！而星期六日同公眾假期，每位客人仲送一杯意大利汽酒呢🥂超正🤪.我同閨蜜當然要著得靚靚去chill下影下相！先食鹹點，鮑魚一入口充滿清香的花雕酒香，茶燻蛋是溏心蛋，很滑，伴魚子醬昇華了～濃湯花膠凍最特別，就是花膠濃湯的果凍咁，充滿骨膠原.甜品以柑檸為主，所以味道酸酸甜甜很開胃！賣相好精緻，加了食用花，最適合打卡！最喜愛柑橘法式焦糖燉蛋，多了一陣清香😋 檸啡意式芝士蛋糕好特別，點估到會以檸檬同tiramisu 結合😮味道是那樣清新！.閨蜜揀左黑加侖子茶，我揀左熱泡沫咖啡，另外仲有兩杯汽酒，當然要cheers！十分推介叫茶，因為茶杯同茶壺都好靚😆 味道當然唔錯，而且十分解膩🙆🏻‍♀️ 呢度環境都好靚，又坐得舒服，大滿足…查看更多

👧🏻😋👅🍽✨Citrus Delight Tea Set 🥂-🫖 陳家廚房新推出Citrus Delight Afternoon Tea Set以檸檬同柑橘做主題, 亦貫徹中西合璧風格🫖 Set for Two包鹹甜美點各六款, 包兩杯飲品; 平日$438, weekend $488送兩杯意大利汽酒, Citi信用卡💳 仲有八折優惠 ❣️SAVORY 🍋 ▪三款炸物三款冷盤食落平衡唔會太膩, 格仔木盒好presentable 😙🍤 酥炸鯪魚球配個蜆蚧醬鹹香得來好重酒味, 仲有大大粒蜆蚧😂🍤 金絲炸芋角同紅糖糍粑都係新鮮即炸脆卜卜, 糍粑軟滑煙韌, 糖漿得外圍少少唔會爆晒餡, 食落冇咁漏🍸養顔濃湯花膠凍彈牙軟滑; 花雕醉鮑魚酒味剛好, 清甜唔澀; 鹹香茶燻蛋夠晒流心, 伴魚子醬更顯鮮甜SWEET 🍊 ▫️連埋scone六款甜品, 因為果味解膩食完意猶未盡, 唔會覺得太甜太漏🧁 柑橘法式焦糖燉蛋用左柑橘皮好甘香; 香橙朱古力千層酥媲美拿破崙好脆口; 熱情果芝士蛋糕果醬偏酸, 平衡芝士油膩感🥧 莫吉托雞尾酒果撻蛋白霜薄薄一層, 蛋糕有清新青檸味; 檸啡意式芝士蛋糕比一般Tiramisu更濕潤🥮 傳統英式鬆餅外脆內軟, 原味以外另一款期間限定入面有香橙雜果乾, 配上柑橘果醬更突出主題…查看更多

每次當《陳家廚房》轉下午茶☕️menu，我都一定會嚟食❗️因為佢嘅性價比好高！無論甜點定鹹點都好有酒店應有嘅水準，比起五星級酒店，仲更加好食添😋而且餐廳嘅環境非常舒適，大家可以喺度同家人、朋友渡過一個愉快嘅下午❤️CITRUS DELIGHT - AFTERNOON TEA SET（平日$438 for two persons，假日$488 for two persons with🥂)✅savoury ✔️金絲炸芋角✔️紅糖糍粑✔️養顏濃湯花膠凍✔️酥炸鯪魚球✔️花雕醉鮑魚✔️茶燻蛋伴魚子醬我特別鍾意濃湯花膠凍、醉鮑魚、茶熏蛋伴魚子醬👅我冇諗過花膠湯都可以整成啫喱，食落去淡淡骨膠原，好滋潤好濃郁呀☺️鮑魚嘅花雕味非常重，好香；至於糖心蛋入面嘅魚子醬，散發出淡淡嘅茶味，令人食指大動，同香檳🍾好夾！✅sweet✔️柑橘法式焦糖燉蛋✔️香橙朱古力千層酥✔️熱情果芝士蛋糕✔️莫吉托雞尾酒果撻✔️檸啡意式芝士蛋糕✔️傳統英式鬆餅（香橙雜果乾•原味）配柑橘果醬、奶油忌廉夏天就嚟啦，喺呢個回南天，好啱食啲好fresh嘅甜品，柑橘🍊絕對係會好開胃！我最欣賞檸啡意式芝士蛋糕，冇諗過原來tiramisu可以配合埋檸檬，呢度Tiramisu嘅水準👈🏾真心唔錯！另外，《陳家廚房》嘅scone係我食過咁多間酒店之中，最高質嘅！今次佢仲推出咗香橙雜果乾味，真係整得好出色呀🥰🥰出面非常酥脆，仲食到雜果，口感十足！而入面就好鬆軟😝正！我真心推介《陳家廚房》嘅下午茶🫖俾大家！之前生日🎂，我仲買過佢嘅生日蛋糕，同樣都好好食，好真材實料！下次我都想試吓佢嘅中式晚餐，我諗應該都好唔錯😍…查看更多

一般High Tea只有三層架盛載甜點，但是次陳家廚房的下午茶有咸點有甜點，好豐富，而且咸點較甜點出色。這個春日柑橘下午茶，有三層架盛載甜點，有芝士蛋糕、焦糖燉蛋、朱古力千層酥等等。另外，有一個六格咸點，有竽角、糍粑、花膠凍及醉鮑魚等，味道很好，鮑魚尤其好味。還有一籃英式鬆餅，配以柑橘果醬，味道不錯，正常發揮。飲品除茶、啡外，還有香檳，但香檳味道真是一般。總括來說，整個下午茶食物多，感覺飽及滿足，性價比算高。…查看更多