影片
更多
2022-08-03
768 浏览
之前有朋友介紹灣仔有一間新餐廳試業，主打熟成牛同埋紅白酒，今日終於試到lunch～其實我係想試佢晚餐，不過暫時都未搵到時間，所以即管睇下lunch野食點再算。一入嚟就見到間餐廳好signature嘅地方，好大間酒藏好多時都係酒店嘅餐廳先會見到，證明佢地應該幾著重野食同埋酒嘅配搭。Lunch嘅價位由百幾蚊到300蚊不等，當然最貴嘅就係佢地嘅主打「熟成牛」，好耐冇食好野啦，反正都嚟左，所以我決定同朋友一人叫返個 !先嚟嘅係蘑菇湯，廚師加左少少黑松露令佢更加香～正常發揮。跟住就到今日嘅主菜，30日熟成striploin！我就叫左medium rare，因為我覺得哩個熟度，最容易會試到廚師嘅手勢。好多時灣仔區有唔少酒吧／餐廳，都會將medium rare變左做medium 或者rare..牛扒配菜有薯蓉同埋燒西蘭花，我一開始以為個西蘭花好似燒得太over，點知咬落去係重有汁嘅，最緊要係唔會有燒焦嘅味道，唔知係點做到～另外侍應講薯蓉係由3種薯仔製成，所以食落口感會比較滑，不過就係淡啲，可能都係就返好濃味嘅牛～講咁耐，終於講今日嘅主角，牛扒餐廳已經幫你切好哂，一望個顏色，就知道唔係亂咁煎完就上碟（
主打熟成牛同埋紅白酒，
今日終於試到lunch～
其實我係想試佢晚餐，不過暫時都未搵到時間，
所以即管睇下lunch野食點再算。
一入嚟就見到間餐廳好signature嘅地方，好大間酒藏好多時都係酒店嘅餐廳先會見到，
證明佢地應該幾著重野食同埋酒嘅配搭。
Lunch嘅價位由百幾蚊到300蚊不等，當然最貴嘅就係佢地嘅主打「熟成牛」，
好耐冇食好野啦，反正都嚟左，所以我決定同朋友一人叫返個 !
Soup of the Day
34 浏览
0 赞好
0 留言
廚師加左少少黑松露令佢更加香～正常發揮。
30 Days Dry Aged US212 Prime Striploin 200G
$298
29 浏览
0 赞好
0 留言
我就叫左medium rare，
因為我覺得哩個熟度，最容易會試到廚師嘅手勢。
好多時灣仔區有唔少酒吧／餐廳，
都會將medium rare變左做medium 或者rare..
牛扒配菜有薯蓉同埋燒西蘭花，
我一開始以為個西蘭花好似燒得太over，
點知咬落去係重有汁嘅，最緊要係唔會有燒焦嘅味道，
唔知係點做到～
另外侍應講薯蓉係由3種薯仔製成，所以食落口感會比較滑，
不過就係淡啲，可能都係就返好濃味嘅牛～
講咁耐，終於講今日嘅主角，牛扒餐廳已經幫你切好哂，
一望個顏色，就知道唔係亂咁煎完就上碟（終於唔係medium well…）
我先試一舊冇鹽嘅牛，
入口嗰一下，啲肉味係湧出嚟，
而且肉質好軟嫩，嗰一吓係好味到出唔到聲嘅！
跟住點少少碟上面嘅雪花鹽，
佢唔會好似其他鹽有陣「死咸」嘅味，
真係好好好衝擊！
同埋就算我影得衰，
你睇相都可以見到佢中間重有唔少脂肪，
油脂香得嚟，又唔會好似和牛咁「膩」，
我打緊哩篇文都重喺度回味緊！
享受完之後就到今日嘅甜品，有杏仁tuille同埋檸檬mousses。
Lime Mousses
35 浏览
0 赞好
0 留言
因為佢話後者係酸味重嘅，
如果要一齊食，就可以食左酸再食甜，
對我哩個唔太鐘意酸野嘅人嚟講係窩心嘅。
檸檬mousses配左啲白酒jelly，
但由於我一般酸野，我只係試左一小啖，
我覺得佢係幾清爽嘅，不過就唔啱我啦，我期待嘅反而係杏仁tuille～
Almond Tuille
27 浏览
0 赞好
0 留言
重係香港人最鍾意嗰種「甜得嚟唔太甜」，
加埋唔會好似其他餅咁痴牙，
我估好多人都會鍾意哩味甜品～
後尾我有問返侍應，佢話夜晚會有多D甜品款揀，
可以遷就到更多唔同口味嘅客人，期待～
最後嘆多杯啡，
後面有bar即場磨豆，加少少熱水就變左杯americano
真係一個完美嘅ending～
雖然lunch嚟講300蚊唔係平，
但食物質素真係物超所值！冇後悔～
前面講太多好野，補充返少少，
由於餐廳重喺試業期間，上菜時間係有少少慢，
如果平時只有1個鐘食飯時間，可能會趕。
所以我下次嚟應該會係dinner
到時希望可以再試更多唔同部位嘅牛同埋開支靚酒～！
张贴
