影片
更多
2022-12-11
3203 浏览
果日去開會展做嘢，終於有機會去吓會展站，真係比以前方便好多, 而做完嘢就係附近搵嘢食，見到呢間壽喜燒唔錯就入去試吓，好彩我地早，唔係都未必有位。食完覺得聖誕節要帶男友食多次🤭🤭入到去有滿滿的和風感覺, 個日式紙門好有feel，室內裝修係簡約日系佈置，感覺好柔和，坐位寬敞舒適，可以揀食Yukiyaki(壽喜燒)Set或者shabu shabu(日式涮涮鍋)set , 按你所選的肉類而價錢不同, 我地梗係揀唔同既set 試唔同既肉：🥢日本產黑毛A5和牛 配6式前菜 🥢日本產黑毛和牛(赤身肉) 配4式前菜 2個set 除咗肉類同前菜有少少不同外, 其他野菜盛, 烏冬同甜品都是一樣的。 6式前菜同4式前菜基本一樣, 只是多了生蠔及三文魚籽：🔸日本產溫室蕃茄配沙律菜 –新鮮爽脆 🔸北海道帶子配柚子鹽 – 帶子新鮮鮮甜, 配上柚子鹽, 帶出帶子的鮮味 🔸北海道生蠔配柚子汁 – 生蠔有淡淡的海水味, 配上柚子汁是較清新的做法 🔸三文魚籽配日本醋飯 - 簡簡單單，鮮味出晒黎。🔸A5和牛他他配鵪鶉蛋 – 拌鵪鶉蛋汁令和牛更滑, 入口就有融化的口感 🔸檸檬汁漬海蜇- 這個較酸, 目的是打開你的味蕾,
果日去開會展做嘢，終於有機會去吓會展站，真係比以前方便好多, 而做完嘢就係附近搵嘢食，見到呢間壽喜燒唔錯就入去試吓，好彩我地早，唔係都未必有位。食完覺得聖誕節要帶男友食多次🤭🤭
入到去有滿滿的和風感覺, 個日式紙門好有feel，室內裝修係簡約日系佈置，感覺好柔和，坐位寬敞舒適，可以揀食Yukiyaki(壽喜燒)Set或者shabu shabu(日式涮涮鍋)set , 按你所選的肉類而價錢不同, 我地梗係揀唔同既set 試唔同既肉：
🥢日本產黑毛A5和牛 配6式前菜
🥢日本產黑毛和牛(赤身肉) 配4式前菜
2個set 除咗肉類同前菜有少少不同外, 其他野菜盛, 烏冬同甜品都是一樣的。
6式前菜同4式前菜基本一樣, 只是多了生蠔及三文魚籽：
🔸日本產溫室蕃茄配沙律菜 –新鮮爽脆
🔸北海道帶子配柚子鹽 – 帶子新鮮鮮甜, 配上柚子鹽, 帶出帶子的鮮味
🔸北海道生蠔配柚子汁 – 生蠔有淡淡的海水味, 配上柚子汁是較清新的做法
🔸三文魚籽配日本醋飯 - 簡簡單單，鮮味出晒黎。
🔸A5和牛他他配鵪鶉蛋 – 拌鵪鶉蛋汁令和牛更滑, 入口就有融化的口感
🔸檸檬汁漬海蜇- 這個較酸, 目的是打開你的味蕾, 清一清你的口腔, 以迎接之後油脂豐盛的和牛壽喜燒
食完前菜後，戲肉就上場，店員係我地面前烹煮壽喜燒，一片一片黎，等你可以慢慢享受，店員先問我地啲牛要既生熟程度。我地按建議，將A5 和牛煮熟一點，因為A5 脂肪豐富，熟一點可以將牛脂迫出一點，減低油膩感，食多塊都無問題。A5 和牛油花豐富平均，入口嫩滑，軟腍豐腴，配埋壽喜燒汁及白飯一齊食真係perfect match。
至於和牛赤身肉我地就煮生一點，因為脂肪相對少一點，煮生一點可以保持其嫩滑度。赤身肉無A5 咁入口即溶，但都好滑，油脂感少一點，所以食落輕盈一點，但牛味比較濃郁。我個人就比較喜歡赤身肉，因為無咁漏，食多幾塊都無問題🤭🤭
食完牛後就煮野菜盛，野菜盛有日本南瓜、豆腐、蔬菜、日本年糕福袋等，店員按次序排好，然後加入鰹魚湯及壽喜燒汁去煮，蔬菜吸收晒啲湯汁，好味😋。當中我最喜歡食日本南瓜，又甜又腍，好好味，而日本年糕福袋都好正，煙煙韌韌，Oishi 😋😋
食完個疏菜盛其實已經好飽，但見到個烏冬又忍唔住要食埋佢，讚岐烏冬爽滑彈牙，配埋個湯汁，無得頂。
飯後當然有甜品啦，有厥餅、和菓子及十勝紅豆，細細份啱晒，和菓子出奇地係唔太甜，啱晒我，好完滿的一餐😊
张贴
