影片
更多
2020-12-07
42 浏览
遊完灣仔玩具街，都會係電車路附近揾地方落腳開餐，行下行下黎到修頓球場街口，有間食手工伴麵既舖頭，小食款式多同特色手搖飲品都幾吸引，咁就Go In。秘制香槽醉雞入口冰冰涼涼，雞肉白皙嫩滑，啖啖肉都放送酒香味兒，糟鹵花雕併湊而成的香氣，從每一口雞肉之中就輕易感受得到。薄薄黃油雞皮之下接近零脂肪，同樣讓你享受得到純鮮精華神韻，加埋幾粒紅卜卜杞子，又增添一份藥材回甘感覺。拉住大閘蟹季既尾巴，試下鎮店蟹皇拌麵。一碗蟹皇汁、陽春麵分開上 先將橙黃色蟹皇汁徐徐地加入陽春麵，濃密既蟹粉就好似熔岩狀咁走入麵條縫隙之間。夾起一小束麵條準備入口時，滿滿地掛瀉一絲絲幼細蟹肉，尤其蟹膏、油分含量都比較豐富，最正就係食唔到任何殘餘軟骨混雜其中，入口格外鮮甜，簡直係高級享受。老壇酸菜湯小雲吞，大大碗有10隻估唔到一口小雲吞都做到‘散尾小金魚’效果，雲吞皮夠滑，且隱若可以睇到入面餡料。酸菜分開上，份量多少可以因應個人喜好隨意加入。只係落一小撮係湯面拌勻，味道就即刻變得濃口堅挺。菜質酸爽帶脆唔偏咸，食完又唔會感覺口乾。超中意香芋鮮奶，令我回想起台北夜市飲過既一杯～ 煲得粉粉既芋頭，有口感之餘更有芋泥既香滑，奶同香芋比例
秘制香槽醉雞
入口冰冰涼涼，雞肉白皙嫩滑，啖啖肉都放送酒香味兒，糟鹵花雕併湊而成的香氣，從每一口雞肉之中就輕易感受得到。薄薄黃油雞皮之下接近零脂肪，同樣讓你享受得到純鮮精華神韻，加埋幾粒紅卜卜杞子，又增添一份藥材回甘感覺。
拉住大閘蟹季既尾巴，試下鎮店蟹皇拌麵。
一碗蟹皇汁、陽春麵分開上
先將橙黃色蟹皇汁徐徐地加入陽春麵，濃密既蟹粉就好似熔岩狀咁走入麵條縫隙之間。夾起一小束麵條準備入口時，滿滿地掛瀉一絲絲幼細蟹肉，尤其蟹膏、油分含量都比較豐富，最正就係食唔到任何殘餘軟骨混雜其中，入口格外鮮甜，簡直係高級享受。
老壇酸菜湯小雲吞，大大碗有10隻
估唔到一口小雲吞都做到‘散尾小金魚’效果，雲吞皮夠滑，且隱若可以睇到入面餡料。
酸菜分開上，份量多少可以因應個人喜好隨意加入。只係落一小撮係湯面拌勻，味道就即刻變得濃口堅挺。菜質酸爽帶脆唔偏咸，食完又唔會感覺口乾。
超中意香芋鮮奶，令我回想起台北夜市飲過既一杯～ 煲得粉粉既芋頭，有口感之餘更有芋泥既香滑，奶同香芋比例岩岩好，賣相有少少粉紫溝埋白色都幾吸引。
百香茉莉寒天茶，茶底特別清香之外，仲蘊含豐富百香果氣息，杯底既寒天晶瑩剔透，大口吸一啖茶就經已有好多Q彈寒天粒粒，正吖
张贴
