越．男

灣仔越南餐廳老字號小店，今晚同朋友嚟食勻經典招牌款式

至尊牛寶湯河，香濃嘅牛丸同牛肉，清甜嘅湯底，大旺青蔥同洋蔥，大滿足之選

黑炭慢煮燒牛肉法包，竹炭包香氣撲鼻，脆卜卜好香口，牛濃軟腍嘅慢煮燒牛肉，滿滿嘅蘿蔔絲、青瓜同配菜，簡單調味清爽得嚟口感豐富

鮮蝦燒肉米紙卷又彈牙又厚實，香蒜牛油雞翼酥香肉嫩

香茅青檸水同青檸特飲都好開胃好解渴，清新之選

枱面有齊晒唔同嘅調味料，好貼心

1

環境同佈置好靚，好有越南特色，好多擺設都係老闆喺越南搵返嚟，整體光猛乾淨，餐牌提供嘅選擇都好吸引，期待下次再嚟