京．33 (已結業)

前幾排見到灣仔道新開左一間日式飯堡餐廳，第一次試時burger有半價，今日黎試第二次😋希望有優惠價享用！今日同同事黎食lunch，到左餐廳都9成坐滿，我地有幸搵到位坐😆餐廳係半self-service形式，叫嘢食要去counter俾錢先，嘢食服務員會攞埋黎。第一次黎到完全唔知道要點叫嘢食，建議餐廳可以貼啲指示牌俾食客睇睇😆另外第一次黎嘢食黎得比較慢，今次快好多，有進步👍🏻餐廳裝修以深色為主，廚房係open kitchen，冷氣較凍我地叫左兩份豚角煮溏心蛋飯堡餐，跟兩款唔同嘅沙律同埋味增湯：飯部分係沾蛋汁再炸，然後再放上紫菜。個肉入口即溶，加埋個溏心蛋簡直係perfect match🤤不過個burger 份量好似細左啲，我地食完下午覺得有啲肚餓😂希望個飯嘅份量可以多啲。