合和軒

前日經朋友推薦呢間係灣仔合和酒店既新中菜
一去到裝修簡單，燈火通明 唔會好似出面其他新式中菜咁暗 枱與枱之間好闊 唔會有一種好迫促既感覺👍👍👍

一坐低已經有服務員問茶同時仲向我哋推薦左好多唔同菜式，仲冇催我哋落單，由於第一次去 我地問左好多問題 服務員都好好耐性一一為我哋解答💪🏻

我哋叫左3款菜加一個炒米粉，所有食物整體上都好好唔會等好耐，上菜嘅時候啲餸菜都係熱既。

食完埋單既時候服務員仲問我哋有冇意見👏🏻
成餐飯都好好，見到佢哋有好多房，如果中意私隱度高 呢度絕對係一個好選擇👍👍👍

外脆內嫩既炸子雞，入口唔會好油 加埋蔥油令到食落口既口感唔會好油膩，除左蔥油係底外仲有檸檬汁同椒鹽👏🏻👏🏻👏🏻 

如果唔中意太油可以特別要求小油。呢個又係一個驚喜，食落好惹味，好開胃！

本身已經好中意有蝦醬既餸菜，呢個係我強烈建議要食😋真係要試過先知道食完係停唔到 好惹味又夠火候

米粉炒得好乾身，唔會有痴埋一舊既情況，味道相對較淡（不過岩岩好），主菜份量好大 食完已經飽左8成😋