杜老誌大飯店 (已結業)

今個月老豆生日所以特登搵左間懷舊餐廳打邊爐，餐廳裝修好似老香港80年代咁，我覺得好似行左入香港博物館，感覺都幾新鮮餐廳主打港式火鍋，我地要左沙嗲湯底，餐廳應該冇咩點落味精，屋企人食落返屋企都冇話特別口渴🤔話哂老豆生日就一定要佢最愛既海鮮蟶子王同南非鮑魚，上盤擺到超靚，打咭一流👍🏻打邊爐我最鍾意食蟹籽墨魚滑($82)真材實料勁新鮮仲有我睇其他食評推薦既手切封門柳($198)平時打邊爐淨係識食肥牛但其實封門柳先係成隻牛肉味最濃既一部份，全隻牛只有一條，入口嫩滑香甜埋單既時候侍應叔叔仲登記問我地有冇咩需要改善，我覺得今餐有質素但黑松露招牌餃略嫌小小鹹🤔