影片
更多
2011-02-14
26 浏览
新年前后出左一大堆血，近日又食左d比较上等的食物，紧系悭得就悭今次就午饭都唔食，趁Tea出去Hea一Hea食平价野。湾仔区要平又食得…真系几少选择又唔想食老麦，再兴又怕怕。左谂右谂，醒起recruit介绍左呢间平价豚肉饭．咪入去试下。入到餐厅，见到menu都几多选择，下午茶仲要13蚊! 左度右度…又惊唔够食，见佢饭餐都唔系贵，都唔过$30。串烧仲要5蚊串，最后拣左个招牌果汁炸猪扒饭话晒都第一次入黎，就试住个细size先。再加多两串串烧，加埋都唔过$40应该够食挂?买完飞，拎左个筹(个筹其实可以设计得好少少…)，等左阵就有得食。猪扒都算大件同厚身，而且炸到金黄色仲切好件，抵赞再望下d酱汁，黑黑地色，左谂右谂都唔明点解叫果汁。就多口问下店员，原来酱汁系用左菜蜜+蔬菜汁整成， 所以叫果汁。虽然好似怪怪地，但听落又几健康而且试落又觉得唔错，甜甜地唔漏，带少少酸，又几惹味，送饭同配炸物都唔错食左一阵，串烧又到。今次试左肥牛同鸡肉。串烧烧得岩岩好，唔会干争争，又唔会烧到㶶晒黑蚊蚊鸡肉肉质都系滑滑又弹牙，5蚊黎讲系交到货。讲返碗饭, 虽然系细size，但都够食。而且又系珍珠米，算系咁。点都好过对面间
新年前后出左一大堆血，近日又食左d比较上等的食物，紧系悭得就悭今次就午饭都唔食，趁Tea出去Hea一Hea食平价野。湾仔区要平又食得…真系几少选择又唔想食老麦，再兴又怕怕。左谂右谂，醒起recruit介绍左呢间平价豚肉饭．咪入去试下。
入到餐厅，见到menu都几多选择，下午茶仲要13蚊! 左度右度…又惊唔够食，见佢饭餐都唔系贵，都唔过$30。串烧仲要5蚊串，最后拣左个招牌果汁炸猪扒饭话晒都第一次入黎，就试住个细size先。再加多两串串烧，加埋都唔过$40应该够食挂?
买完飞，拎左个筹(个筹其实可以设计得好少少…)，等左阵就有得食。猪扒都算大件同厚身，而且炸到金黄色仲切好件，抵赞再望下d酱汁，黑黑地色，左谂右谂都唔明点解叫果汁。就多口问下店员，原来酱汁系用左菜蜜+蔬菜汁整成， 所以叫果汁。虽然好似怪怪地，但听落又几健康而且试落又觉得唔错，甜甜地唔漏，带少少酸，又几惹味，送饭同配炸物都唔错
食左一阵，串烧又到。今次试左肥牛同鸡肉。串烧烧得岩岩好，唔会干争争，又唔会烧到㶶晒黑蚊蚊鸡肉肉质都系滑滑又弹牙，5蚊黎讲系交到货。讲返碗饭, 虽然系细size，但都够食。而且又系珍珠米，算系咁。点都好过对面间越南野同再兴。一个又贵又扮大碗成$40蚊碗汤河得两片牛肉，串烧又系差唔多40蚊先得几片仲要又硬又鞋口，真系以为自己食紧牛肉干...另一个的饭又唔系人食…
至于要改善的地方，一来d门面野可以做靓d，二来件猪扒可以再切多几件，依家切4件其实好快就咬晒…同埋酱汁应该淋少少落碗饭度，方便用黎送饭。
呢间野豚肉饭，行过咁多次都无留意，估唔到一试又有惊喜。粮尾时用黎救命，又真系唔错。
张贴
